Toshkent «yangiyo‘l poligraf servis»

SHARQ HIKOYASI
Abdulla  Oripov
Aniq  yili  esimda  yo‘q,
Allaqaysi  zamonda,
Bir  qishloqda  ota-o‘g‘il
Yashar  ekan  omonda.
Bir  kuni  deng  shu  ikkovlon
Qaygadir  yo‘l  olishdi.
Minay  desa  ot-ulov  yo‘q,
O‘ylanishib  qolishdi.
Qurib  ketsin  yo‘qchilik  ham
Kim  nelarga  zor  edi.
Ikkovining  o‘rtasida
Bitta  eshak  bor  edi.
Garchi  u  ham  biroz  yag‘ir,
Garchi  andak  bedarmon.
Shu  eshakni  minsakmi  deb,
O‘ylab  qoldi  ikkovlon.
Ota  dedi:  –  O‘g‘lim,  bundan
Na  sen,  na  men  tingaymiz.
O‘g‘il  dedi:  –  Ota,  buni
Galma-galdan  mingaymiz.
Ota  doim  ota  axir,
Ya’ni,  mudom  izzatda.
Eshakka  u  mindi  dastlab
O‘g‘il  yayov,  albatta.
Bir  qishloqdan  o‘tdilar
Ikkov  sekin  tiqirlab.
Ortlaridan  to‘rt-besh  odam
Kulib  qoldi  piqirlab.
–  Ahmoq  ekan  manavi  chol,
Ahmoq  haddan  ziyoda.
O‘zi  ulov  minib  olgan,
O‘g‘li  esa  piyoda.
G‘alati  bir  hisni  tuyib
Shartta  pastga  tushdi  chol.
–  Kelaqolgin,  o‘g‘lim,–  dedi,
Eshakka  sen  minaqol!

---

124
Endi  o‘g‘il  to‘qimda-yu,
Ota  yayov  ketardi.
Endi  ular  boshqa  qishloq
Ko‘chasidan  o‘tardi.
Borardilar  so‘zsiz,  sekin
Asta-asta  tiqirlab.
Ortlaridan  to‘rt-besh  odam
Yana  kuldi  piqirlab.
–  Ahmoq  ekan  manav  bola
Ahmoq  haddan  ziyoda.
O‘zi  ulov  minib  olgan,
Otasi-chi  piyoda.
Yosh  emasmi,  birdan  uning,
Oriyati  qo‘zg‘aldi.
Shartta  pastga  tushdi  u  ham,
U  ham  yayov  yo‘l  oldi.
Yurib-yurib ikkalasi
Necha  adir,  qir  oshdi.
–  Bor-e,  –  deya  so‘ng  eshakka
Ikkovi  ham  mingashdi.
Ammo  tag‘in  bir  manzildan
O‘tar  bo‘ldi  ikkovlon.
Ne  kulfatki,  bu  joyda  ham
Tinch  qo‘ymadi  olomon.
–  Ahmoq  ekan  bular  rosa,
Insofi  yo‘q,  lavanglar,
Ikki  odam  bir  eshakni
Minib  opti,  qaranglar.
Malomatdan  ota-o‘g‘il
Tamom  horib-toldilar.
G‘azab bilan bir-biriga
Termilishib  qoldilar.

---

125
1.  Ota  eshakka  minib,  o‘g‘il  piyoda  borishayotganda 
odamlar  ularning  ustidan  nima  deb  kulishdi?  Ikkinchi, 
uchinchi  qishloqda-chi?