Тошкент врачлар малакасини ошириш институти

«Девиант хулқ-атворли алкоголизм ва опийли гиёҳвандликка 
чалинган беморларнинг нейровизуализацион таққослаш натижалари» 
номли олтинчи бобда нейровизуализация усулида девиант хулқ-атвор бор 
ҳолатда бир қанча церебрал структураларнинг (мия қоринчалари, пешона ва 
чакка пўстлоқ қисмлари, таламус ва б.) аномалиялари ҳақида кўплаб 
маълумотлар аниқланган. 
Преморбид даврида девиант хулқ-атворли алкоголизм ва опийли 
гиѐҳвандликка чалинган беморларда энг кўп учраган патологиялар 
қуйидагилар бўлди: пешона ва энса қисмларининг субарахноидал 
кенгликларининг кенгайиши (33,3 % ва 56,6 %); пешона қисм пўстлоқ қавати 
эгатчаларининг кенгайиши (83,3 % ва 76,6 %); периваскуляр ва субкортикал 
кенгликларнинг кенгайиши (оқ ва кулранг модда – 73,3 % ва 70,0 %); оқ 
моддада дистрофиялар (субкортикал – 80,0 % ва 70,0 %); орқа бириктирувчи 
артериялар диаметрининг ассимметрияси (90,0 % ва 90,0 %). 
Юқорида кўрсатилганлардан фарқли равишда, 2- ва 4-гуруҳдаги 
беморларда бош мия ва церебрал томирларнинг бошқа морфологик МРТ-
белгилари аниқланди: периваскуляр кенгликларининг кенгайиши (90 % ва 
96,6 %), асосан, тепа ва энса соҳалари чегарасида - оқ модда (83,3 % ва 73,3 
%); вена қон томирларида қон айланишининг бузилиши (96,6 % и 100 %). 
Кўринадики, девиант хулқ-атворли алкоголизм ва гиѐҳвандлик соматик 
жиҳатдан оғир муаммо бўлиб, нафақат ПАВларга қарамликнинг кечиши 
билан, балки наслий ва преморбиддаги касалликни оғирлаштирувчи 
ҳолатлар, шахснинг патобиологик структураси билан руҳиятининг дисгар-
моник ривожланиши билан ҳам боғлиқ. Девиант хулқ-атвор оқибатлари 
салбий асоратларнинг тез ривожланишига, жумладан, неврологик асоратлар-
га ҳам туртки беради, бу, ўз навбатида, преморбидда девиант хулқ-атворли 
алкоголизм ва опийли гиѐҳвандликка чалинган беморларни даволашга 
дифференциаллашган ѐндашувни талаб этади. 
Диссертациянинг «Девиант хулқ-атворли алкоголизм ва гиёҳванд-