Toshkent viloyati piskent tumani xalq

200-mashq. Gaplarni o’qing. Bog’lovchilarning tagiga chizib, ularning turini ayting.

1. U turmushidan, o’tgan umridan rozi, lekin ana shu roziligini tushuntirib berolmas edi. (S. Zunnunova) 2. Agar o’sha qizning ro’molchasiga solgan somon va qand orqali nima demoqchiligini bilmasang, bor davlatingga o’t qo’yaman. (Ertakdan) 3. Qurvonbibi bir ko’cha eshigiga, bir yonboshdagi daraxtlar orasidan ko’tarilib kelayotgan quyoshga, bir o’choq boshidagi qiziga qaradi. (Cho’lpon)

201-mashq. Gaplarni ko’chiring, zidlov bog’lovchilarini aniqlab, ularning gapdagi vazifalarini tushuntiring.

1. Mamlakatimizda bayramlar ko’p, lekin Navro’zning tarovati, shukuhi o’zgacha. (D. Hayitova) 2. Ma’nisiz hayot kechirish yomon turmush kechirish degani emas, ammo sekin-asta o’lish demakdir. {Demokrit) 3. Yo’qchilik g’ayratli, ishchan odamning eshigidan mo’ralaydi-yu, ichkariga kira olmaydi. («Hikmatnoma»dan) 4. Dunyoda kasblar ko’p, biroq odamiylik kasbi hammasidan ulug’dir. (Gazetadan)

Dars borishi: She'riy lahzalar:

Allalar sehrida qonimga inggan,

Naslim aks-sadosi, jon-u dilimsan.

Sen borsan, men borman, bordir o'zbegim,

O'zligim tanitgan ona tilimsan.

Bog'lovchilar tilidan she'r:

Oilamiz bog'lovchi,

Gapni gapga bog'lovchi.

O'zaro teng gaplarni,

Tenglab birlashtiruvchi.

Amakim: biriktiruv,

Va bog'lovchi ayiruv.

Bizning kichik oila,

Atalurmiz biz zidlov.

Ismimizdir tanishing:

Ammo, biroq, va lekin.

Qo'shib va qisqartiring,

Bo'lamiz lek, va lekin.

Vazifamizdir aytsak:

Zid ma'noli birikma.

So'zlarni-yu gaplarni,

Bog'laymiz biz birma-bir.

Chalg'imay e'tibor ber.

Ko'rinsak-da bir ma'noli,

Lek biroz farqimiz bor,

Gap yasang xo'p ma'nili,

Topasiz shunda o'rtoq.

Mo''jazgina qutichaga uchta xatjild solingan. O'quvchilar o'z guruhlari nomi yozilgan xatjild ichidagi shartlarni bajarishga kirishadilar. Har bir shart topshiriqlari alohida varaqchalarga yozilgan bo'lib, guruhlar qo'liga beriladi.