Toshkent viloyati chirchiq davlat pedagogika instituti pedagogika fakulteti psixologiya kafedrasi pedagogika va psixologiya kafedrasi

Mustaqil ishlash uchun tavsiya etilayotgan mavzular:
1. Iroda haqida tushuncha.
2. Irodaviy faoliyatning umumiy xususiyatlari.
3. Iroda nazariyalari.
4. Irodaviy akt va uning to‘zilishi.
5. SHaxsning irodaviy sifatlari.
6. Irodani tarbiyalash.
7. Irodaning individual xususiyatlari.
Nazorat savollari:
1. Iroda tushunchasining mazmunini izohlang?
2. Irodaviy faoliyatning umumiy xususiyatlari nimalarda ko‘rinadi?
3. Iroda nazariyalarining mohiyati nimalarda ko‘rinadi?
4. Irodaviy akt va uning to‘zilishini mazmunini ko‘rsating?
5. SHaxsning irodaviy sifatlariga nimalar kiradi?
6. Irodaning individual xususiyatlarining mazmunini izohlang?
5-MODUL. SHAXS


REJA:
16.1. SHaxs haqida tushuncha, individ, shaxs, individuallik tushunchalari.
16.2. SHaxs faolligi tushunchasining mazmuni. SHaxs shakllanishiga ta’sir etuvchi omillar.
16.3.SHaxs psixologik strukturasi. Biogenetik nazariya, sotsiogenetik nazariya, konstitutsion nazariya, rollar nazariyasi mazmuni. Endopsxika va ekzopsixika haqida tushuncha. Dunyoqarash va e’tiqod.
16.4. SHaxsning o‘zini-o‘zi anglashi. “Men” konsepsiya va uning rivojlanishi.
Tayanch so‘z va iboralar:
SHaxs, individ, individuallik, faollik, faoliyat, motiv, qiziqishlar, shaxsning shakllanishida ta’sir qiluvchi omillar, shaxs sifatlari.
16.1. SHaxs haqida tushuncha, individ, shaxs, individuallik tushunchalari.
Mustaqillikka erishgan O‘zbekistonda kelajagi buyo‘q davlat qurayotgan ekanmiz, uning faol quruvchisi bo‘lgan shaxsning psixologiyasi masalalarini o‘rganish va ishlab chiqish g‘oyat katta ahamiyatga egadir. Bu masalani o‘rganish yangi kishini kamol toptirish nazariyasi va amaliyoti ilmiy jihatdan ishlab chiqishda muhim o‘rin tutadi.
SHaxs ijtimoiy munosabatlar sistemasining, ijtimoiy hayotning ko‘p qirrali, murakkab bo‘g‘inidir. U bir tomondan ijtimoiy – tarixiy taraqqiyotning mahsuli bo‘lsa, ikkinchi tomondan ijtimoiy taraqqiyotni ta’min etuvchidir.
Biz psixologiyani o‘rganar ekanmiz, individ, shaxs, individuallik tushunchalarini bir-biridan farq qilishmiz kerak. Odamning inson jinsiga mansubligi inivid tushunchasi bilan ifodalanadi.Biz katta yoshdagi normal odamni ham, chaqaloqni ham, tilni va oddiy malakalarni o‘zlashtira olmaydigan telbalarni ham individ deb atay olamiz. Biroq bo‘lardan faqat birinchisigina shaxs, ijtimoiy mavjudot hisoblanadi. Ijtimoiy munosabatlarga kirishuvchi va ijtimoiy taraqqiyotda faol ishtirok etuvchi odamgina shaxs deb ataladi. Individ sifatida dunyoga kelgan odam keyinchalik shaxsga aylanadi.
SHaxs jamiyat a’zosidir. U ommaning sinfning ajralmas qismidir. U omma bilan harakatlanib tarixni yaratadi. SHaxs ijtimoiy boyliklar yaratuvchidir.
SHaxsning shaxs bo‘lishligi uchun u faollikka ham ega bo‘lishi kerak. CHunki faoliyatdagi faollik shaxsning muhim belgisidir. Faollik hamisha yaxshi yashashga yo‘naltirilgan bo‘ladi. Kishi yaxshi yashashi uchun, jamiyatni rivojlantirish uchun ataylab faollik ko‘rsatadi. Bu shaxsning onglilik belgisidir.
SHaxsning xarakterli belgilaridan biri individuallikdir. Individuallik har bir shaxsning o‘zigagina hos bo‘lgan, takrorlanmaydigan xususiyatdir. Individuallik kishining xarakteri, temperamenti, psixik kechinmalarining o‘ziga hos hususiyatlari, hissiyoti va faoliyatining motivlarida ko‘rinadi. Ana shunga ko‘ra kishilar bir-birlaridan farq qiladilar. Dunyoda qancha odam bo‘lsa, shuncha individuallik mavjuddir. Hech kim bir-birini o‘rnini bosa olmaydi. «O‘nta bo‘lsa, o‘rni boshqa» maqoli individuallikka ham nisbatan aytilgandir.
SHaxs tushunchasi qadimdan mavjud bo‘lib, u dastlab aktyor niqobi, keyinchalik esa aktyor ma’nosini anglatgan. CHunki sahnadagi ko‘rinish o‘zgarishi bilan aktyor maskasi ham o‘zgargan. Bundan tashqari, kishi turli sharoitda o‘z qiyofasini o‘zgartirishi va o‘zini bir necha xil qilib ko‘rsatishi ham mumkin. Kishi artist kabi turli rollarni bajarishi mumkin.