Toshkent viloyati chirchiq davlat pedagogika instituti pedagogika fakulteti psixologiya kafedrasi pedagogika va psixologiya kafedrasi

O’ZBEKISTON RESPUBLIKASI
OLIY VA O'RTA MAXSUS
TA'LIM VAZIRLIGI


TOSHKENT VILOYATI CHIRCHIQ DAVLAT PEDAGOGIKA INSTITUTI
PEDAGOGIKA FAKULTETI PSIXOLOGIYA KAFEDRASI
PEDAGOGIKA VA PSIXOLOGIYA KAFEDRASI


Bakalavr ta’lim yo‘nalishlari talabalari uchun
UMUMIY PSIXOLOGIYA


fanidan
O'QUV USLUBIY
MAJMUA

CHIRCHIQ -2020 y
Ushbu o‘quv-uslubiy majmuasi Oliy va o’rta maxsus ta’lim Vazirligining 27-mart 2018-yildagi №274-sonli buyrug’i bilan tasdiqlangan fan dasturi asosida ishlab chiqilgan.


Tuzuvchi:

Raxmanova M.Q

-

Toshkent viloyati CHirchiq davlat pedagogika instituti “Psixologiya” kafedrasi o’qituvchisi, p.f.f.d

Taqrizchilar:

Eshnaev N	-	ChDPI “Psixologiya” kafedrasi ,p.f.n.

O‘quv-uslubiy majmua CHDPI Ilmiy kengashi tomonidan ko’rib chiqilgan va “_____” ____________ 2020-yildagi №______-sonli qarori bilan ishlatishga tavsiya etilgan.

MUNDARIJA

1	Ma’ruza mashg’ulotlari
2	Amaliy mashg’ulotlar
3	Mustaqil ta’lim mashg’ulotlari
4	Glossariy.
5	Ilovalar: Fan dasturi; Ishchi fan dasturi; Tarqatma materiallar; Testlar; Baholash mezoni; JN, ON va YN variantlari; O’quv-uslubiy adabiyotlar

I-.MODUL PSIXOLOGIYA PREDMETI
REJA:
1.1. Umumiy psixologiyaning predmeti, vazifalari
1.2. Psixologiya tabiiy va ijtimoiy ilmiy fan sifatida
1.3. Psixologiyaning tuzilishi, psixologiya sohalari, psixologiyaning fanlar tizimida tutgan o‘rni.
1.4.Psixologiya fanining taraqqiyot tarixi. Psixologik bilimlarning rivojlanish, bosqichlari
1.5. O‘zbekistonda psixologiya fanining rivojlanish tarixi.
Tayanch so‘z va atamalar
Psixologiya, umumiy psixologiya, «psixe», jon, ruh, «logos», psixika, instinkt, xulq-atvor.
Atrofimizdagi ob’ektiv olam turli fanlarning o‘rganish ob’ekti va predmeti bo‘lib xizmat qiladi, qaysilar orasida insonning hayot faoliyatida psixologik fanlar alohida o‘rin tutadi. Real dunyoda haqqoniy psixikaga ega yoki uni tashuvchi barcha narsa ularning ob’ekti bo‘lib xizmat qiladi. Predmeti esa – psixika, uning barcha shakl va faoliyat ko‘rinishlari: psixikaning yuzaga kelish qonuniyatlari, shakllanish, faoliyat va namoyon bo‘lish, hamda uning ayrim fenomenlaridir.
Psixologiya yunon tilidan tarjima qilinganda – ta’limot, jon bilim to‘g‘risida («psyche» – jon, ruh va «logos» – ta’limot, ilm) degan ma’noni anglatadi. Bu fan eng avvalo inson va insonlarning turli xil ijtimoiy guruhlarining psixik hayoti hamda faoliyati qonuniyatlari to‘g‘risidagi fandir. Psixologiya fan sifatida psixikaning qonuniyatlarini va mexanizmini, dalillarini o‘rganadi (A.V.Petrovskiy).
Psixologiyaning predmetini xar birimizning tashqi olamni va o‘z-o‘zimizni bilishimizning asosida yotgan jarayonlar, xodisalar, holatlar va shakllangan hislatlar tashkil etadi. Psixologiya bo‘yicha adabiyotlarda uning predmetini qisqacha qilib, psixikadir, deb ta’rif berishadi. Psixika — bu inson ruhiyatining shunday holati­ki, u tashqi olamni (ichki ruhiy olamni ham) ongli tarzda aks etishimizni, ya’ni bilishimiz, anglashimizni ta’minlaydi (V.Karimova).