|
1.4. Psixologiya fanining taraqqiyot tarixi. Psixologik bilimlarning rivojlanish, bosqichlari
Psixologiya fanining predmeti haqidagi tasavvurlar taraqqiyotini quyidagi asosiy bosqichlarga ajratish mumkin:
Birinchi davrga- psixologiyaning falsafa tarkibida rivojlanishi. Bu davr er.avvalgi V1 asrdan 19 asrning 60 yillarigacha bo‘lgan vaqtni o‘z ichiga oladi. Bu davr 4 bosqichni o‘zida aks ettiradi.
1-bosqich: Eramizdan avvalgi V1 asrdan bizning eramizning V asrgacha bo‘lgan davr, bu davrda psixika haqidagi fikrlarning paydo bo‘lishi va ularning ma’lum nuqtai nazardan rivojlanish davrini o‘z ichiga oladi. Bu fikrlar va nuqtai nazarlar, bu bosqichda psixika asosan materializm va idealizm nuqtai nazardan hal qilingan. Bu davrga antik filosofiya vakillri eramizdan avvalgi VII asrdan VIII asrgacha antik vrachlarning olib borgan izlanishlari va ularning nuqtai nazarlari kiradi.
2-bosqich: eramizdan avvalgi V asrdan VIII asrgacha bo‘lgan davrni o‘z ichiga oladi. Bu davrdan jon haqidagi ta’limotning falsafada rivojlanishi va tibbiyot fanlarining yutuqlari bilan mustahkamlanishi, buning natijasida dastlabki metodologik asosni shakllanishi uchun dunyoqarashlarning vujudga kelishidir.
3-bosqich: XVII asrdan XVIII asrgacha bo‘lgan davrni o‘z ichiga oladi. Uyg‘onish davri, anatomo-fiziologik tadqiqotlarning vujudga kelishi, fan yutuqlari yordamida psixologiya ta’limotining rivojlanishi, xuddi mana shu davrda jon ta’limoti tushunchasi o‘rniga psixologiya termini vujudga kelishi.
4-bosqich: XVIII asrdan XIX asrning 60-yilarigacha, Ong haqidagi ta’limotning vujudga kelishi va psixologiyaning nazariy asoslarining shakllanishi, psixologiya dastlabki maktablarning vujudga kelishi.
1.5. O‘zbekistonda psixologiya fanining rivojlanish tarixi.
SHuni alohida ta’kidlash joizki, birinchi ijtimoiy psixologik tadqiqot yurtimizda XX asrning 70-yillari oxiri 80-yillarning boshida I.YOqubov tomonidan o‘tkazilgan bo‘lib, u oilaviy munosabatlarning barqarorligi va er-xotin ijtimoiy rollarining muvofiqligini ta’minlovchi sostial-psixologik omillarni o‘rgandi. Tadqiqot natijasida shu narsa aniqlandiki, oila a’zolarining rollar borasidagi muvofiq o‘zaro munosabatlari oilaviy hamjihatlikning muhim shartidir. Oilaviy majorolar esa, asosan hozirgi zamon o‘zbek ayolining ijtimoiy mehnat bilan bandligi hamda oilaviy munosabatlarda eskilik sarqitlarining saqlanib qolganligidadir.
Keyinchalik shu kabi oila va oilaviy munosabatlarning ijtimoiy psixologik fenomenlariga bag‘ishlangan tadqiqotlar o‘zbekistonlik olimlar G‘.B.SHoumarov va uning izdoshlari, shogirdlari ishlarida rivojlantirildi. Masalan, G‘. SHoumarov va E.A.Morshinalarning (1986) tadqiqotlarida oilada bolalar tarbiyasiga bevosita ta’sir ko‘rsatadigan ijtimoiy-psixologik omillar o‘rganildi, chunonchi, unda o‘ziga xos milliy va an’anaviy o‘zaro munosabat xususiyatlarining o‘rni belgilandi.
Oilaviy munosabatlar psixologiyasi xususida o‘tkazilgan muhim tadqiqotlardan biri N.Sog‘inovning o‘zbek oilasiga xos bo‘lgan nikoh va oila munosabatlari-nikohdan qoniqish, nikoh motivlari, oila qurishning o‘zbeklarga xos bo‘lgan yosh xususiyatlari, yosh o‘zbek oilalaridagi psixologik mojarolar va ajralishlarning sabablarini sistematik tarzda o‘rgangan ilmiy ishidir. Bu tadqiqotda ilgari xech o‘rganilmagan ilmiy ma’lumotlar to‘plandiki, ularga ko‘ra, o‘zbek oilasining qurilishiga sabab bo‘ladigan asosiy motiv – bu “Farzandli bo‘lish”, (birinchi o‘rinda), ikkinchi o‘rinda “Jamoatchilikning gap-so‘ziga qolmaslik”, uchinchi o‘rinda “Ota-ona va qavmi-qarindoshlarning istaklarini bajo etish” va hokazolar aniqlandi. N.Sog‘inovning to‘plagan ma’lumotlari yosh oilalar, mojaroli oilalar va yoshlar tarbiyasi bilan mashg‘ul bo‘lganlar uchun muhim ilmiy yo‘l-yo‘riqdir. Bu kabi izlanishlar keyinchalik M. Utepbergenev, M. Dushanov ishlarida davom ettirildi. Ularda oila va nikoh munosabatlari qoraqalpog‘istonliklar va qirg‘iz oilalari misolida o‘rganildi.
Oxirgi 10-20 yil oralig‘ida O‘zbekistonda ijtimoiy tasavvurlar konstepstiyasi doirasida o‘tkazilayotgan tadqiqotlar (V. Karimova, K. Rahimova, Z. Nishonova, M. Umarova, O. Hayitov, G. YAdgarova, L. Karimova, K. Farfieva, SH. Eshmetov, N. Lutfullaeva, O. Qodirova va boshqalar) ayni shu yo‘nalishning istiqbolli ekanligini, shaxs va jamiyat o‘rtasidagi murakkab va serqirrali munosabatlarning ijtimoiy xulqda namoyon bo‘lishi mexanizmini tushuntirishda nazariy-metodologik asosning mavjudligini isbotladi.
SHu kabi O‘zbekistonda muayyan ijtimoiy-psixologik muammo tadqiq etilganda, gender tafovutlarga e’tibor berish tobora an’anaga aylanib bormoqda. Masalan, yosh tadqiqotchi O.Abdusattorova (2007)ning dissertastion izlanishi bu borada alohida ahamiyatga ega bo‘lib, unda o‘smir yoshli o‘g‘il va qiz bolalardagi gender tasavvurlarga bog‘liq jinsiy identifikastiyani aniqlash va bunda oila muhitining rolini asoslash uchun ijtimoiy psixologiyada qo‘llanilgan qator ishonchli metodikalardan foydalanilgan. Alohida ta’kidlash joizki, ota-onalar o‘rtasidagi o‘tkazilgan test va so‘rovlar ularning gender ustanovkalarini va liderlik maqomlarini aniqlashga imkon bergan bo‘lsa, farzandlari o‘rtasida olib borilgan empirik tadqiqot otalik va onalik gender maqomlarining qizlar va o‘g‘il bolalarda o‘ziga xos ustanovka shaklida identifikastion jarayonlar yo‘nalishini belgilashini isbot qildi. Zamonaviy o‘zbek oilasidagi erkaklar va ayollarning o‘zaro munosabatlarida ayollar mavqeining mustahkamlanib borayotganligi, ularning liderlik pozistiyalarida hamda turmush o‘rtoqlarini hamkor va sherikchilik munosabatlari tizimida ko‘rishni afzal ko‘rishlarida namoyon bo‘ldi. SHu sababli ham bu holat ularning o‘z jinslarini va turmush o‘rtog‘idagi qarama-qarshi jinsga nisbatan ustanovkalarini belgilaydi. Tadqiqot zamonaviy erkaklar va xotin-qizlarning ayollik va erkaklik obrazlarida femininlik hamda sof maskulinlik sifatlari ko‘proq androginlik sifatlariga o‘rin berayotganligini, qizlarda maskulinlik sifatlari ham tobora sezilarliroq namoyon bo‘layotganligini ko‘rsatdi.
SHunday qilib, yurtimizda gender tadqiqotlari uchun keng yo‘l ochilgan va ularda oila va oilaga nisbatan ijtimoiy ustanovka ustivor masala sifatida qaraladi.
Do'stlaringiz bilan baham: |
