Toshkent viloyati chirchiq davlat pedagogika instituti pedagogika fakulteti psixologiya kafedrasi pedagogika va psixologiya kafedrasi

Trening maqsadi: O‘zini o‘zi va boshqalarni qabul qilishga o‘rgatish, o‘z-o‘ziga va o‘zgalarga nisbatan adekvat baho berishni shakllantirish.
Ishtirokchilar uchun topshiriqlar:
1. Trening mavzusidan kelib chiqib muloqot samaradorligiga ijobiy ta’sir ko‘rsaytadigan omillarni keltiring.
2. O‘z-o‘ziga va o‘zgalarga nisbatan adekvat baho berishni va ularning ahamiyatini tahlil qilib kichiq esse yozing.


3.7. SHaxsni qiyin vaziyatlarga moslashishga o‘rgatish treningi
Reja:
1. Psixoqiziologik qiyinchiliklarni yuzaga keltirish mumkin bo‘lgan vaziyatlarni tahlil qilish.
2. Guruhiy nizolarni va o‘ylab topilgan rollar tahlili orqali xulqni modifikatsiya hamda korreksiya qilish.
3. Ishtiroqchilarda ijobiy ustanovkalarni tarkib toptirish, shakllangan ko‘nikma va malakalarni mustahkamlash treningi.
Kutilayotgan natija: Stressogen vaziyatlarni to‘g‘ri baholashga o‘rgatish. Trening guruhi ishtirokchilarida boshidan o‘tkazgan stress holatini qayta his etish va uni bartaraf etish imkoniyatini berish
Mashg‘ulotning bosqichlari:
1.Rejaning birinchi savoli bo‘yicha ishtirokchilar bilan stressogen vaziyatlar va stressga nisbatan shaxsning munosabatlari xususida munozara o‘tkaziladi. Xar bir ishtirokchi stressga qarshi kurashish yuzasidan material to‘plab, muhokamada ishtirok etadi.
2. Ishtirokchilar bilan stress va stressogen vaziyatlar jarayonida shaxsning o‘ziga xos munosabatlari xususida misollar k keltirilib tahlil qilinadi.
1-mashg‘ulot.
«Odam-stressor» mashqi
Mashqning borishi: Trening guruhi a’zolari juft-juft bo‘lib, xayotlarida ro‘y bergan eng kuchli va ijobiy xolatni eslaydilar. Bu xolatni «ichki imkoniyat zahirasi» - deb atash mumkin. Keyin har bir juftlik to‘rt kishilik guruhga ajralib, o‘qituvchi, yordamchi, ota-onalar rollarini bajaradilar. YOrdamchi aktyorlardan “odam-stressor” rolini o‘ynash so‘raladi. Qolganlar o‘qituvchilari bilan hamkorlikda «odam-stressor»ning va jabrlanuvchining o‘ziga xos psixologik xususiyatlari, ularning ifodalanishi, gapirish ohangi, xulqidagi o‘zgarishlarni kuzatib, ularda namoyon bo‘luvchi zo‘riqish holatini va undan chiqishning individual hislatlarida «ichki imkoniyat zahirasi»ning ahamiyatini alohida-alohida tahlil qiladilar. O‘qituvchi «inson-stressor» va jabrlanuvchi o‘rtasidagi «bog‘lovchi zveno» bo‘lsada, lekin har ikki tomon uchun zo‘riqish kuchayishining oldini oluvchi vazifasini bajaradi. Bunda u ishtirokchilarga nafas olish mashqnni eslatib, uning ijrosini tashkillashtiradi.