Тошкент вилояти чирчиқ давлат педагогика институти рамонова Садокат Қомиловна

РАИС: Мустақил таълим шу умумий юкламасини ичида-да тўғрими.
РАМОНОВА С.К.: Худди шундай, умумий юкламани ичида.
РАИС: Дилмурод Ғуломович Жавоб қониқарлими?
Т.ф.д.АХМЕДЖОНОВ Д.Ғ.: Қониқарли.
РАИС: Марҳамат, онлайн тарзда иштирок этаётган кенгаш аъзоларида саволлар борми? Марҳамат яна кимда саволлар бор? Марҳамат, физика-математика фанлари доктори(DSc), доцент Турсунов Икромжон Ғуломжонович.
Ф-м.ф.д.(DSc), доцент ТУРСУНОВ И.Ғ.(онлайн тарзда): Ассалому алайкум ҳурматли кенгаш аъзолари! Менда ҳам савол туғилди. Авторефератни 16-бети 2-расмда электр занжирида кечаётган физик жараёнларни яққол кўриш имконияти мавжуд. Қандай қилиб физик жараённи дастур ёрдамида кузата олдингиз?
РАМОНОВА С.К.: Физик жараённи кузата олиш бўйича бизда Крихгоф қоидаларини ўрганиш амалий машғулот бор. Мустақил занжирларда Крихгоф қоидалари ўрганиш, бунда айнан контур токлар усули бўйичами ёки бўлмаса тугун потенциаллар усули бўйичами курсантларга амалий машғулотда топшириқлар берилади. Топшириқлар асносида улар кетма-кетликда яъни физик жараёнлар деганимизда, айнан кирувчи токлар Крихгофни биринчи қонунида келтирилган хусусиятлар дастурнинг ўзида кўрсатиб ўтилган. Мана шуни курсантлар кўра олиш имконияти ....
Ф-м.ф.д.(DSc), доцент ТУРСУНОВ И.Ғ. (онлайн тарзда): Аниқроқ жавоб беринг. Физик жараёнларни яққол кўриш имконияти мавжуд дебсиз. Қандай қилиб физик жараённи яққол кўра оласиз? Уланиш усуллари бошқа нарса, бу ерда физик жараён ҳақида гап кетяпти.
РАМОНОВА С.К.: Занжирдаги токларнинг йўналишини дастур ёрдамида яққол кўра олиш имконияти мавжуд.
Ф-м.ф.д.(DSc), доцент ТУРСУНОВ И.Ғ.(онлайн тарзда): Тушунарли. Иккинчи савол сиз маърузангиз давомида биполяр транзисторлар ҳақида гапирдингиз. Лекин авторефератингизда биполяр транзистор ҳақида ҳеч қандай маълумотлар йўқ. Транзисторларни қандай қилиб курсантларга тушунтирдингиз? Унда токни кириш ва чиқиш тартибини кўрсатмоқчимиз ёки қайси жараённи кўрсатмоқчисиз?
РАМОНОВА С.К.: Биполяр транзисторлар ҳақидаги маълумотни авторефератимизга келтириб ўтмаганлигимиз сабаби, авторефератнинг ҳажми чекланганлигини эътиборга олганмиз. Лекин диссертациямизда биполяр транзисторлар ҳақида умумий маълумот сифатида, унинг мана шу дастурларда қўлланилиши, айтганимиздек кириш ва чиқиш характеристикаси оиласи ўрганилганлиги, уларнинг келгуси ҳаётда транзисторлардан фойдаланишлари, биламизки, транзистор сигнални кучайтирувчи асбоб ҳисобланади. Қувват кучайтириш бўйича ишлайдиган асбоб, ҳар бир ҳарбий қуролларни юраги транзисторлар десак ҳам адашмаймиз. Шунинг учун диссертациямизда, айнан биполяр транзисторлар бўйича маълумотлар берилган. Уланиш усуллари, умумий база, умумий эмиттер, умумий коллектор уланиш схемалари кетма-кетлиги ўргатилган. Уларнинг келажакдаги ҳар бир фанни ўқитилишида ҳам электротехника ўрни жуда ҳам кераклиги тушунтириш мақсадида шу мавзулар ўтилган.