Тошкент вилояти чирчиқ давлат педагогика институти рамонова Садокат Қомиловна

РАИС: Раҳмат. Марҳамат, кимда саволлар бор? Марҳамат, техника фанлари доктори Ахмеджонов Дилмурод Ғуломович.
Т.ф.д. АХМЕДЖОНОВ Д.Ғ.: Сиз Чирчиқ олий танк қўмондонлик муҳандислик билим юртига келдингиз. Келганингизда электротехника ва электроника асослари фани қанақа ўтилар эди? Сиз нима ўзгариш қилдингиз? Нима учун назорат гуруҳига нисбатан тажриба гуруҳингизда қайси омилларни ҳисобига ўзлаштириш ошди?
РАМОНОВА С.К.: Саволингизни тушундим. Чирчиқ олий танк қўмондонлик муҳандислик билим юртида фаолиятимиз давомида шунга гувоҳ бўлдимки, мана шу таҳлиллар ўрганилганда олий таълим муассасаларида, олий ҳарбий таълим муассасаларида фанни ўқитиш ўргатилганда айнан шунга гувоҳ бўлдикки, биринчи навбатда фан бизда аудитория машғулоти 54 соат. Бундан 14 соати маъруза, 30 соат амалий машғулот, 10 соат лаборатория машғулотига ажратилганлиги, ўз-ўзидан соатлар тақсимоти камлигидан айнан фанга ахборот-коммуникацион технологиялар ёрдамида фанни ўқитишга зарурат юзага келганлиги, тажриба гуруҳларимизда назорат гуруҳларига нисбатан 13 фоиз самарадорлик ошганлигини изоҳласак, унда албатта уларнинг мустақил таълим машғулотларига, тадқиқотчилик фаолиятига кўпроқ урғу бердик. Курсантлар соат 15:00дан кейин соат 18:00гача мустақил таълим яъни кейинги машғулотларга тайёрланиш учун уларга вақт бор. Шу вақтда ўқитувчилар томонидан уларга фан бўйича тушунчалар ўргатилади. Масалан, буларни дастурий воситалар бўйича амалга оширдик. Кетма-кет даражалар бўйича топшириқлар бердик. Қуйи даражалар бўйича бошида содда схемалар, оддий ярим ўтказгич диод схемасини яратдик. Уни яратгандан кейин кейинчалик ярим ўтказгич диод схемасини вольт-ампер характеристикасини олиш топшириғи берилди. Кетма-кетликда шу самарадорликка эришдик.
Т.ф.д. АХМЕДЖОНОВ Д.Ғ.: Қўшимча ўқитиш сизни ишингизда назарда тутилганми?
РАМОНОВА С.К.: Кўпроқ мустақил таълим назарда тутилган.
Т.ф.д. АХМЕДЖОНОВ Д.Ғ.: Қўшимча таълимга ким пул тўлайди? Репетитор сифатида пул тўлайдими?
РАМОНОВА С.К.: 36 соат мустақил таълимга ажратилган. Кўпроқ мустақил таълим бўйича ўқитиш йўлга қўйилган.