Тошкент вилояти Чирчиқ давлат педагогика институти “Мактабгача таълим” факультети илмий Кенгаши №7-сонли баённомаси

2- масала. Факультет кафедраларининг қишки сессия якунлари ҳақида ҳисоботлари юзасидан “Болалар спорти” кафедраси мудири А.А.Абдуллаевнинг ҳисоботи тингланди. Кафедрада 2021-2022 ўқув йили қишки якуний баҳолашлардан қарздор талабалар учун қўшимча дарслар ташкил қилиш ва белгиланган муддатларда қарзларини топширишларини амалга ошириш бўйича кафедра йиғилишида режа ишлаб чиқилганини маълум қилди. Қишки якуний назоратлардан 3-босқич талабалари 100%, 2-курс талабалари 95% , 1-босқич,97% ,баҳоланганини айтиб ўтди.
Шунингдек ҳисобот юзасидан берилган Кенгаш аъзолари томонидан берилган саволларга жавоб олинди.
3-масала. Сиртқи бўлимларда якуний назорат имтиҳонларининг ўтказилиш ҳолати ҳақида сиртқи бўлим ўқув ишлари бўйича декан муовини Ў.Н.Фармоновнинг ҳисоботи тингланди. Февраль ойидан сиртқи 4-босқич талабалари анъанавий тарзда 8-семестрни ўқиганликларини ва семестр якунлангани лекин айрим талабаларда қарздорлик борлигини маълум қилди.
1-мартдан сиртқи 2-босқич ва 4-босқич иккинчи олий таълим бўлимларида анъанавий ўқиш бошланишини ва кафедраларда профессор-ўқитувчилар дарс жадвалига туришлари лозимлиги ҳақида эслатиб ўтди.
4-масала Факультет тасарруфидаги кафедраларда илмий тадқиқот ишларининг бориши ҳолати ҳақида “Болалар спорти” кафедраси мудири А.А.Абдуллаев сўзга чиқиб кафедрада фаолият юритаётган ўқитувчи Э.Хуррамов диссертация ёқлаб фалсафа доктори дипломини қўлга киритгани ва кафедра илмий салохияти учун ўз хиссасини қўшганини таъкидлади. Ўқитувчи М.Абдуллаева илмий семинардан мувафақиятли ўтгани ва тез кунларда ҳимоя эълонини кутаётганини айтиб ўтди Шунингдек ўқитувчилар Э.Соатов, Р.Гимазутдиновлар илмий тадқиқот мавзуларини тасдиқлатиб ОАК Бюллетень журналида эълон учун берганликларини, мавзулари юзасидан Халқаро конференцияларда ва журналларда илмий мақолалар билан қатнашаётганини айтиб ўтди.
“Мактабгача таълим методикаси” кафедраси мудири З.Ю.Шонасированинг ҳисоботи тингланди. 2021-2022 ўқув йилида кафедрада фаолият юритаётган ўқитувчилар З.С.Тешабаева Ва Р.Х.Носировалар илмий семинардан муваффақиятли ўтиб, ҳимоя олди ташкилий ишлар билан банд эканликларини айтиб ўтди. Шунингдек ўқитувчилар Д.А.Муталова, Д.Каримжонова ва М.Ачиловалар ўз илмий раҳбарларининг розилик хатини олганликлари илмий мавзуларини тасдиқлатиб ОАК Бюллетень журналида эълон учун берганликларини, мавзулари юзасидан Халқаро конференцияларда ва журналларда илмий мақолалар билан қатнашаётганини айтиб ўтди. Ўқув йили якунига кафедра илмий салоҳияти фоизининг ошишига эришиш мумкинлиги ҳақида маълум қилди