Асосий назарий қисм (маъруза машғулотлари)
1.Мавзу. Педагогика фан сифатида. Тиббиётда педагогик билимларнинг ўрни ва аҳамияти
Педагогика фанининг предмети, мазмун-моҳияти ва унинг тиббиётда тутган ўрни. Педагогиканинг предмети, мазмун-моҳияти ва унинг тиббиётдаги ўрни ва аҳамияти, тиббий таълимда педагогиканинг мақсад ва вазифалари, объекти, предмети, тузилиш, асосий категориялари ва тушунчалари.
Педагогиканинг ижтимоий фан сифатида ривожланиши. Жаҳон маърифий фикрларининг тарихий-педагогик таҳлили, Ўзбекистон ҳудудида энг қадимги даврдан XIV асргача маърифий фикрлар тараққиёти, тармоқлари, бошқа фанлар билан ўзаро алоқадорлиги.
Педагогика фанининг методологияси ва унинг илмий тадқиқот методлари. Педагогиканинг замонавий методологик маммолари, педагогика фани ривожининг ҳозирги босқичида алоҳида долзарб методологик масалалари, педагогик тадқиқотларнинг методологик тавсифи, педагогика фанининг методологик асоси фалсафа эканлиги, педагогиканинг методлари, педагогиканинг илмий тадқиқот методлари.
Ўзбек халқ педагогикаси ҳамда унинг таълим-тарбияда тутган ўрни. Халқ оғзаки ижодининг жанрлари, маънавий қадриятлар ва уларнинг шахс маънавий маданиятини шакллантиришдаги роли. Педагогикада маънавий қадриятлар талқини, маънавий мерос ва уларнинг шахс маънавий маданиятини шакллантиришдаги ўрни. Маънавий қадриятлар ҳақида тушунча ва уларнинг шахс маънавий маданиятини шакллантиришдаги ўрни.
2.Мавзу. Ўзбекистон республикасида таълим тизими ва таълим соҳасидаги ислоҳотлар
Ўзбекистон Республикасида таълим тизими ва таълим турлари. Ўзбекистон Республикасининг таълим тизими, Ўзбекистон Республикасининг “Таълим тўғрисида”ги ва “Кадрлар тайёрлаш миллий дастури тўғрисида”ги қонунлари мазмун ва моҳияти, 2017-2021 йилларда Ўзбекистонни ривожлантириш ҳаракатлар стратегиясида таълим тизими масалалари, Ўзбекистон Республикаси Президентининг тиббий таълим соҳасига оид фармон ва қарорлари.
Ўзбекистон Республикасида таълим тизимини бошқариш. Ўзбекистон Республикасида таълим тизимини бошқаришга умумий раҳбарлик, Республика таълим тизимини бошқаришда бир қатор давлат органларининг иштироки, таълимни бошқариш бўйича ваколатли давлат органларининг ҳуқуқлари.
Ўзбекистон Республикасида таълим соҳасидаги ислоҳотлар. Мамлакатимизда таълим тизимини ислоҳ қилиниши ва ривожлантиришнинг тарихий аҳамияти, “Кадрлар тайёрлаш миллий дастури” ва “Таълим тўғрисида”ги Ўзбекистон Республикаси қонунига мувофиқ таълим тизимини ислоҳ қилиш, таълим, фан, ишлаб чиқариш самарали интеграциялашувини таъминлаш, узлуксиз таълим ва кадрлар тайёрлаш тизимига бюджетдан ташқари маблағлар, шу жумладан, чет эл инвестицияларини жалб этишнинг реал механизмларини ишлаб чиқиш ва амалиётга жорий этиш, кадрлар тайёрлаш соҳасида ўзаро манфаатли халқаро ҳамкорликни ривожлантириш, кадрлар тайёрлаш миллий модели.
Do'stlaringiz bilan baham: |