Toshkent tibbiyot akademiyasi urganch filiali

Педагогика. Психология
ФАН ДАСТУРИ

Билим соҳаси:	500000 –	Соғлиқни сақлаш ва ижтимоий таъминот
Таълим соҳаси:	510 000 –	Cоғлиқни сақлаш
Таълим йўналиши:	5111000	Касб таълими (5510100 –Даволаш иши)
	5510100	Даволаш иши
	5510800	Ҳарбий тиббиёт (5510100 –даволаш иши)
	5510200	Педиатрия иши
	5510300	Тиббий профилактика иши
	5510400	Стоматология (йўналишлар бўйича)
	5510700	Олий ҳамширалик иши
	5510900	Тиббий – биологик иш
	5511000	Болалар стоматологияси

Тошкент – 201__
Ўзбекистон Республикаси Соғлиқни сақлаш вазирлигининг 201__ йил “___”________ даги “___” – сонли буйруғининг ___-иловаси билан фан дастури рўйхати тасдиқланган.
Фан дастури Соғлиқни сақлаш вазирлигининг Тиббиёт таълим муассасалараро Мувофиқлаштирувчи услубий Кенгашининг 201__ йил “___”________ даги “___” – сонли баённомаси билан маъқулланган.

Фан дастури Ўзбекистон Республикаси Соғлиқни сақлаш вазирлигининг Тиббиёт таълим муассасалараро ишчи гуруҳ аъзолари томонидан ишлаб чиқилди.

Тузувчилар:

Умаров Б.М. - ТТА, “Педагогика ва психология” кафедраси мудири, п.ф.д, профессор
Шойимова Ш.С. - ТошПТИ “Чет тиллар, педагогика ва психология” кафедраси доценти, п.ф.н.
Уста-Азизова Д.А. - ТошПТИ “Чет тиллар, педагогика ва психология” кафедраси доценти, п.ф.н.
Рахмонова Ё.Р. - ТТА, “Педагогика ва психология” кафедраси катта ўқитувчиси
Киличева К.Ю. - ТДСИ “Педагогика ва психология” кафедраси мудири, п.ф.д
Тақризчилар:

Рўзиева Д.И. – ТДПУ “Умумий педагогика” кафедраси мудири, п.ф.д, профессор

Нишонова З.Т. – ТДПУ “Умумий психология” кафедраси профессори, п.ф.д.

Фан дастури Олий ва ўрта махсус, касб-ҳунар таълими йўналишлари бўйича Ўқув-услубий бирлашмалар фаолиятини Мувофиқлаштирувчи Кенгашнинг 201__ йил “___”_________ даги ___ -сонли баённомаси билан маъқулланган.

1. 
   Ўқув фанининг долзарблиги ва олий касбий
   

таълимдаги ўрни

ХХI асрда жуда кўплаб давлатларда бўлгани каби дунё харитасида муносиб ўрин олган мустақил Ўзбекистонда ҳам барча соҳаларда туб ислоҳотлар бошланди. Бу ислоҳотларнинг барчаси инсон омилини ҳар қачонгидан ҳам юқори савияга кўтариб, унинг кучи, идроки, салоҳияти, руҳий ҳамда маънавий баркамоллигини бевосита тараққиёт, ривожланиш ва цивилизация билан узвий боғлади. Бундан инсон ва унинг мукаммаллиги, ўз устида ишлаши, ўз мукаммаллиги хусусида қайғуриши муаммоси ҳар қачонгидан ҳам долзарб масалага айланди.

Зеро, Ўзбекистон Республикаси биринчи Президенти И.А.Каримов таъкидлаганларидек, “ёшларимизнинг иймон-эътиқодини мустаҳкамлаш, иродасини бақувват қилиш, уларни ўз мустақил фикрига эга бўлган баркамол инсонлар этиб тарбиялаш”¹ ишининг самарадорлигига улуш бўлиб қўшилади.
Давримиз инсонни мустақил фикрли шахс сифатида ҳар бир сонияда ўйлашга, фикрлашга, мулоҳаза юритиб, ўзи учун хулосалар чиқаришга мажбур этмоқда. Яъни, бу чексиз оламда биз ўзимизни ўзгаларсиз, ўз манфатларимизни ўзгалар манфаатисиз тасаввур қила олмаганимиз учун ҳам педагогика ва психологияни билишга мажбурмиз. Мустақил давлатимизнинг сиёсати Инсон манфаатини ҳимоя қилиш, унинг учун муносиб турмуш тарзини яратиш экан, бу ишларни амалга ошириш учун бўлғуси мутахассис шифокор бўлиб, эл дардига дармон бўлиш жараёнида ижтимоий борлиқ қонуниятларини билиши ва ундан маромида фойдалниб, турмуш нормаларига бўйсуниши, жамиятда ўзининг муносиб ўрнини эгаллаб, фуқаролик бурчини адо этишга тайёр бўлиши даркор.
Президент Ш.М.Мирзиёев ҳам “Олдимизга ёшларга тарбия бериш, психология ва бошқа турли соҳаларда кадрларни тайёрлаш ва қайта тайёрлаш бўйича мураккаб вазифалар турибди”², дея жамиятимиз ҳаётида рўй бераётган барча ўзгаришларнинг педагогик-психологик моҳиятини бўлғуси мутахассислар томонидан ўзлаштирилишига кўмак берувчи илмий манбаларнинг аҳамиятини яна бир маротаба таъкидлаб ўтди.
Фан дастури Ўзбекистон Республикаси Давлат таълим стандарти ва тиббий йўналишдаги бакалавриат таълим йўналиши малака талабларига асосланган ҳолда тузилган. Ушбу дастурда педагогика, психология фанлари асослари бўйича умумий билимлар беришга оид масалалар қамраб олинган бўлиб, уларнинг инсон камолотида тутган ўрнини ёритиб беришга асосий эътибор қаратилган. Ўқув дастури асосида педагогика, психология фанларининг асосий категориялари ва унинг энг муҳим қонуниятларини очиб бериш кўзда тутилади.
Мазкур “Педагогика. Психология.” фани тиббий таълим бакалавриат йўналиши ўқув режасининг клиникагача бўлган фанлар блокига тааллуқли ҳисобланади. Фанни ўқитишда жаҳон олимларининг таълим-тарбияга оид қарашлари ҳамда педагогика ва психология фанига қўшган ҳиссаларини миллий мафкурамиз талаблари нуқтаи назаридан ўрганиб, талабаларга етказиш ва ҳаётга татбиқ этиш кўзда тутилади. Шунингдек, мазкур фан бир қатор ижтимоий-гуманитар ва педагогик ва психологик фанлар учун (фалсафа: этика, эстетика, мантиқ, тарих, социология, сиёсатшунослик, педагогика тарихи, психология тарихи, педагогика назарияси, умумий педагогика, умумий психология, касбий педагогика, касбий психология, таълим технологиялари, педагогик маҳорат, педагогик психология, касб таълими методикаси, ижтимоий педагогика, ижтимоий психология, тарбиявий ишлар методикаси) назарий замин бўлиб хизмат қилади.
“Педагогика. Психология” фани талабаларнинг қатор ижтимоий-гуманитар фанлар (фалсафа, этика, эстетика, мантиқ, тарих, социология, сиёсатшунослик, касбий педагогика, касбий психология, таълим технологиялари, педагогик маҳорат, педагогик психология, касб таълими методикаси) ҳамда тиббий йўналишдаги (тиббиёт психологияси, психиатрия, анатомия, физиология в.б.қ.) фанларга доир билим ва малакаларни эгаллашларида муҳим замин бўлиб хизмат қилади.

2.