Toshkent tibbiyot akademiyasi urganch filiali fakultet va gospital terapiya kafedrasi tibbiyot kasbiga kirish fanining

Sariq rododendron. Zaharli o‘simlik. Doza oshirib yuborilganda zaharlanish kelib chiqishi mumkin, zaharlanish belgilari quyidagilar: kuchli so‘lak ajralishi, qayt qilish chaqiriqlari, ovqat hazm qilish trakti yo‘li bo‘yicha kuchli og‘riq, mastlik holati, yurak-tomir tizimi nafas olishning qiyinlashuvi, arterial bosimning pasayishi. Preparatlar siydik chiqarish yo‘lini ta’sirlaydi. Buyrak kasalliklarida mumkin emas.
Xushbo‘y ruta. Zaharli o‘simlik, ayniqsa yangisi va u dozada ehtiyotkorlikni talab etadi.
Oddiy lavlagi. Lavlagining yangi sharbati qabul qilinganda qon tomirlarning kuchli spazmi kelib chiqadi. SHuning uchun yangi chiqarilgan sharbat zararli uchuvchi fraksiyalar uchib ketishi uchun, 2-3 soat turishi kerak. SHundan so‘ng sharbatni qabul qilish mumkin.
Oddiy nastarin. Zaharli o‘simlik. Ichga qabul qilishda ehtiyotkorlik talab etiladi.
Qizilmiya. Qizilmiya uzoq vaqt qabul qilinganda va ayniqsa karbenokselonni qabul qilgandan keyin yuqori arterial bosim, suyuqlik ajralmasligi oqibatida shishish, jinsiy soha buzilishi – libido, ginekomastiya rivojlanishi, tuk o‘sishining cheklanishi yoki yo‘qolishi kuzatiladi.
Sporinya. O‘ta zaharli o‘simlik. O‘simlikni qabul qilish juda ehtiyotkorlik va albatta shifokor nazoratini talab etadi.
Tikanli yoki oddiy oq karrak. YUqori qon bosimida qabul qilinmaydi.
Afsonak. Zaharli o‘simlik. Ichga qabul qilishda ehtiyotkorlik talab etiladi. Qon tuflashda ichga qabul qilish mumkin emas.
Oddiy toloknyanka – uzoq vaqt qabul qilish mumkin emas! Ba’zi mualliflar barglaridan qaynatma shaklida foydalanishni tavsiya qilmaydilar, negaki bu oshqozon-ichak trakti shilliq qavatini ta’sirlaydi.
Bo‘ymodoron. Zaharli o‘simlik. Bo‘ymodoronning barcha ko‘rinishi ichga qabul qilish, zaharli o‘simlik sifatida ehtiyotkorlik talab etadi. Uzoq vaqt qabul qilish va me’yordan oshirish bosh aylanishi va teri toshmalarini keltirib chiqaradi. Aniq dozaga rioya qilish kerak.
Kapalakgul, anyutaning ko‘zlari. Kapalakgulni uzoq vaqt qabul qilish va dozani oshirish qayt qilish, ich ketishi va qichimali toshmalarni keltirib chiqarishi mumkin.
Oddiy fizalis. O‘simlik tarkibida toksik moddalar borligini unutmaslik kerak. Mevalarini pufaksimon kosachasiz iste’mol qilish kerak, negaki, ular toksik moddalarga ega.