Toshkent tibbiyot akademiyasi huzuridagi harbiy-tibbiyot fakulteti

Xatti-harakatlar daf'atan amalga oshirilib, harbiy hiyla (dushmanni 
chalg„itish tadbirlari) qo„llanilishi
raqibni g„aflatda qoldirish, shaxsiy tarkibi 
orasida sarosima ko„tarish, qarshilik ko„rsatish qobiliyatiga putur yetkazish, 
qo„shin boshqarish tizimini izdan chiqarishga va bu bilan, hatto kuch va son 
jihatdan ustun kelgan dushman ustidan g„alaba qozonishga imkon beradi. 
Jangovar harakatlar dushman uchun kutilmagan tarzda kechishiga erishish uchun: 
jang (jangovar harakatlar) g„oyasi va unga hozirlik ko„rish amallari sir 
saqlanishi; 
asosiy zarbani dushman kutmagan yoki samarali qarshilik ko„rsata olishi 
uchun ushbu zarba yo„nalishini juda kech fosh etadigan joyga qarata berish; 
tegishli xatti-harakatlarni dushmandan oldin bajarish, unga qarata daf'atan o„t 
ochish; 
qo„yilgan topshiriqni tez, shiddat-la bajarish; 
jangovar harakatlarni tungi vaqtda bajarish amaliyotni keng tatbiq etish; 
niqoblanish ishlari va dushman razvedkasiga qarshi tadbirlarni mohirona 
amalga oshirish; 
qo„shinlarni pinhona boshqarish, aloqa xavfsizligini ta‟minlash va maxfiylik 
rejimiga amal qilishga oid talablarni so„zsiz bajarish zarur. 
Dushman ham, o„z navbatida, xatti-harakatlarni daf'atan amalga oshirishga 
urinadi. Binobarin, shaxsiy tarkib nihoyatda ogoh bo„lishi, razvedka tadbirlari 
uzluksiz o„tkazib borilishi, qo„riqlash xizmati joriy etilishi, bo„linmalar doimo 
jangovar shay, o„z harakatlarini vaziyatning har qanday sharoitida bajarishga qodir 
bo„lishi talab etiladi. 
Harbiy hiyla (dushman chalg„itish tadbirlari) raqibni qo„shinlarning haqiqiy 
ahvoli va kelgusi harakatlar rejasi borasida chalg„itish orqali qo„llaniladi. Dushman 
chalg„itish usullari qaror topgan vaziyat, qo„yilgan jangovar vazifa mazmuni, 
bo„linmalarning tegishli harakatlarini niqoblanish qoidalariga so„zsiz amal qilgan 
tarzda, nostandart ravishda, dadil bajarishga shayligi hamda yil fasli, sutka vaqti va 
ob-havo sharoitiga bog„liq holda tanlanadi. Dushman chalg„itish tadbirlarining 

---

19 
g„oyasi sodda bo„lib, ijrosi oson kechishi, pinhona tashkillashtirilishi, ishonchli va 
o„z vaqtida o„tkazilishi lozim.