Toshkent tibbiyot akademiyasi huzuridagi harbiy-tibbiyot fakulteti

Hujumni tashkillashtirish
vaqtida motoo‟qchi batalyon (vzvod) komandiri 
odatiy masalalardan tashqari quyidagilarni belgilab beradi: hujum yo„nalishining 
azimuti; hujumga o„tish marrasiga chiqish uchun harakat yo„nalishlarini belgilash 
tartibi; niqoblanish, qanotlar va front ortini ta'minlash, qurol-aslaha va texnikani 
qumli bo„ronlar vaqtida qo„llashga tayyorlash hamda meteorologik (ob-havo) 
sharoitlarining keskin o„zgarishlarida shaxsiy tarkibni himoyalash, shuningdek, 
issiq urishining oldini olish bo„yicha ko„riladigan chora-tadbirlar; bo„linmalarni 
suv va yoqilg„i bilan ta'minlash tartibi; g„ildirakli mashinalarning o„tish qiyin 
bo„lgan joylarda harakatlanish qobiliyatini oshirish, shuningdek, suv ta'minoti 
punktlari va shaxsiy tarkib joylashgan joylarning sanitariya-gigiena holatini saqlab 
turish bo„yicha ko„riladigan choralar.
Motoo‟qchi batalyon (vzvod), odatda, mudofaaning alohida joylari va 
tayanch punktlarga qarata amalga oshiriladigan o„t ochib hujumni tayyorlashdan 
so„ng hujumni boshlaydi.
O„t ochib hujumni tayyorlash vaqtida dushmanning o„t ochish vositalarini, 
ayniqsa tankka qarshi vositalarni yo„q qilish va bostirish uchun to„g„ridan-to„g„ri 

---

171 
nishonga olib o„t ochish uchun ajratilgan to„p va tanklar, shuningdek, tankka qarshi 
granatometlar keng qo„llaniladi.
Mudofaa ichkarisidagi jang vaqtida ochiq qanotlarini ta'minlashga razvedka 
amalini olib borish va nisbatan xavfli yo„nalishlarda kuzatuvni kuchaytirish hamda 
ikkinchi eshelonni (rezervni) nisbatan xavfli qanotga yaqinroq joyga olib kelish 
bilan erishiladi.
Motoo‟qchi batalyonning texnik ta'minot va front orti bo„linmalari suv 
manbalari yaqinida yoyiladi. Qurol-aslaha va texnikani chang va qumdan saqlash 
bo„yicha tadbirlar o„tkaziladi, mashinalar yonilg„i va suvning qo„shimcha zaxirasi, 
qo„shimcha filtrlar bilan ta'minlanadi hamda o„tish qiyin bo„lgan joylarda 
harakatlanish qobiliyatini oshiruvchi vositalar bilan butlanadi, bo„linmalar va 
shaxsiy tarkibda qo„shimcha suv zaxiralari yaratiladi. Tibbiy punkt birinchi 
eshelonga yaqinroq joyga olib kelinadi. Shaxsiy tarkibga oldindan himoyalovchi 
emlash muolajalari qilinadi. Tabiiy-o„choqli kasallik tashuvchilariga qarshi 
kurashish hamda issiq va oftob urishining oldini olish bo„yicha choralar ko„riladi.