Тошкент тиббиёт академияси п. Р. Алимходжаева, Н. М. Туйчибаева, А. А. Абдувалиев, М. С. Гильдиева

Усулнинг асосланиши. Фенилпироузум кислотаси уч валентли темир ионлари билан кўк-яшил рангли комплекс бирикма ҳосил қилади.
Иш тартиби. 2 мл сийдикка 4-5 томчи 10% темир хлор эритмаси FeCl₃•6H₂O солинади. Сийдикда фенилпироузум кислотаси бўлганида 2-36 дақиқадан сўнг кўп-яшил ранг ҳосил бўлади.
2. Галактоземияни ташхислашда галактозани аниқлаш.
Галактоземия (қонда галактоза углеводини юқори бўлиши) галактоза алмашинуви учун зарур бўлган ферментлардан бири - 1-фосфат-уридилтрансфераза ферментини етишмовчилигидан келиб чиқади. Ушбу ферментсиз 50 000-70 000 чақалоқдан 1 та туғилади. Галактоземия – ирсий касалликдир. Аутосом-рецессив типда ирсий ўтади.
Меъёрда овқат билан тушувчи сут шакари (галактоза) организмда глюкоза ва галактоза парчаланади ва сўнг галактоза галактозо-1-фосфатуридилтрансфераза ферменти таъсирида глюкозага айланади. Ушбу ферментни кодловчи ген нуқсонида фермент организмда синтезланмайди. Натижада галактоза глюкозага айлана олмайди ва бемор қони ва тўқималарида тўпланиб бориб марказий асаб тизими, кўз гавҳари ва жигарга заҳарли таъсир этади. Агар сийдикда галактоза ва галактоза-1-фосфат аниқланса галактоземия деб аталади. Агарда жигар ҳужайралари ва қонда галактозо-1-уридилтрансфераза йўқ бўлганда ташхис тасдиқланади.
Чақалоқларда қонда галактозанинг референт катталиги — 0-1,11 ммоль/л (0-20 мг%), каттароқ ёшда эса— 0,28 ммоль/л (5 мг%) дан паст бўлади. Миқдорий аниқлашда қон зардоби ёки сийдик текширилади. Касалилк мавжудлигида қонда галактоза миқдори 11,25 ммоль/л (300 мг%) гача ортади. Қондаги галактоза миқдорини аниқлаш беморга мақбул парҳезни тавсия этишда муҳим ахамиятга эга. Одатда танланган парҳез турида қондаги галактоза миқдори 0,15 ммоль/л (4 мг%) дан ортмаслиги керак. Соғлом чақалоқларда сийдикдаги галактоза миқдори 3,33 ммоль/сут (60 мг/сут), кейинчалик 0,08 ммоль/сут (14 мг/сут) дан кам бўлади. Галактоземия билан оғриган беморларда сийдикдаги галактоза миқдори 18,75-75 ммоль/л (500-2000 мг%) ге тенг бўлади.