Тошкент шаҳар халқ таълими бош бошқармаси ўзбекистон республикаси ёшлар иттифоқи тошкент шаҳар кенгаши

III. Танловни ташкил этиш ва ўтказиш

3.1. “Конституция менинг тақдиримда” ижодий ишлар танловида:

умумтаълим мактабларининг 5-6-синф ўқувчилари ўртасида диктант;
умумтаълим мактабларининг 7-8-синф ўқувчилари ўртасида баён;
умумтаълим мактабларининг 9-11синф ўқувчилари ўртасида иншо ёзиш орқали ўтказилади.

3.2. Танлов босқичлари:

таълим муассасаларида -11-15 ноябрь кунлари;
туман босқичлари -18-22 ноябрь кунлари;
шаҳар босқичи – 25-30 ноябрь кунлари ўтказилади.
Иштирокчилар томонидан тақдим этилган ижодий ишлар таълим муассасаларида ўқувчиларнинг ижодий фаолиятини баҳолаш мақсадида малакали мураббийлардан тузилган ҳакамлар ҳайъати томонидан қабул қилиниб, ҳар бир синф кесимида 1 нафар ғолиб бўлган иштирокчиларнинг ижодий ишлари ноябрь ойининг 16 санасигача туман халқ таълими бўлимлари қошида танловнинг туман босқичига йўлланмани қўлга киритган ўқувчиларнинг ижодий ишини баҳолаш мақсадида тузилган ҳакамлар ҳайъатига тақдим этилади.
Танловнинг туман босқичида ғолибликни қўлга киритган ҳар бир синф кесимида 1 нафардан ёшларнинг ижодий ишлари Тошкент шаҳар ташкилий қўмитасига ғолиб бўлган ўқувчини танловнинг Тошкент шаҳар босқичида иштирок этиши учун тақдим этилади.
IV. Ижодий ишлар йўналишлари ва баҳолаш тартиби

4.1. Ижодий ишларда қуйидаги йўналишларни ўзида акс этиши лозим:

Ўзбекистон Республикаси Конституциясининг мазмун-моҳиятини очиб бериш;
ёшларни Ватанпарварлик руҳида тарбиялаш, миллий қадриятларимиз, маънавий меросимизга ҳурмат ва садоқат ҳиссини шакллантириш;
давлатимиз томонидан яратиб берилган имкониятлар, шарт-шароитлар ва улардан унумли фойдалана олиш масъулиятини ошириш;
ёшларнинг келажаги, орзу-интилишларини руёбга чиқариш учун яратилаётган шароитлар ҳақида фикрлай олиш.
4.2. Иштирокчилар томонидан ёзилган ижодий ишлар тегишли мутахассислардан тузилган ҳакамлар ҳайъати томонидан кўриб чиқилади ва баҳоланади.
4.3. Ҳакамлар ҳайъати ижодий ишларни баҳолашда қуйидаги жиҳатларга эътибор беради:
ижодий ишларни ёзиш талаблари, услубий, имловий, гап тузиш ва пунктуация қоидаларига риоя этилганлик;
ижодий ишлар мазмуни, унга болаликка хос бўлган руҳнинг сингдирилиш даражаси;
ижодий ишлар учун танланган мавзуга ҳаётий ёндошиш, уни ҳаётий содда мисоллар билан аниқ ва мантиқли қилиб ёритиб бериш, мазмунли фикр-муносабат билдириш, иштирокчининг дунёқараши, фикрлаш доираси ва хулосалар чиқариш қобилиятлари;
ижодий ишларнинг ўзига хослиги, бошқа иншолардан ажратиб турадиган жиҳатлари.

4.4. Ижодий ишлар 4 йўналиш бўйича (имло, гап тузиш ва услубий даражаси, маъно жиҳати, мантиқийлик ва якунланганлиги даражаси) жами ҳар бирига 10 баллик тизимда 40 баллик тизимда 5 нафар ҳакам томонидан баҳоланиб, уларнинг баҳолаш якунининг ўртача ҳолати олиниб, рейтинг баҳоси умумлаштирилади.