Тошкент шаҳар халқ таълими бош бошқармаси ўзбекистон республикаси ёшлар иттифоқи тошкент шаҳар кенгаши

3.1. Тошкент шаҳар халқ таълими бош бошқармасига:
“Конституция менинг тақдиримда” ижодий ишлар танловини ташкил
этиш ва ўтказиш;
барча таълим муассасалари ўқувчиларига танлов билан боғлиқ маълумотларни етказиш ҳамда бунинг учун барча воситалардан фойдаланиш (оғзаки ва кўргазмали шаклда ҳамда ОАВ (матбуот, радио ва телевидение) ва ижтимоий тармоқ орқали);
ўқувчиларга танловнинг барча босқичларида таълим жараёнларидан узилмаган ҳолда фаол иштирок этишига кўмаклашиш;
танлов учун ижодий ишларда ҳар бир иштирокчининг ўз шахсий қарашларини мустақил баён этиши ва турли шаклдаги кўчириб ёзиш (плагиат) ҳолатларининг олдини олиш мақсадида уларга барча босқичда бевосита тегишли таълим муассасаларида зарур шароитларни яратиб бериш;
танловнинг ҳар бир босқичини қонунийлик, одиллик, ошкоралик принциплари асосида, шунингдек, уларда манфаатлар тўқнашуви ва коррупцион ҳолатларнинг юзага келмаслигини ҳамда уларнинг ҳар қандай кўринишининг олдини олган ҳолда ўтказилишини таъминлаш;
ижодий ишлар танловини юқори савияда ўтказиш, ўқувчиларнинг ижодий фаолиятини баҳолаш мақсадида малакали мураббийлардан иборат ҳакамлар ҳайъатини тузиш;
танловнинг барча босқич ғолибларини рағбатлантириш вазифалари юклатилсин.
3.2. Ўзбекистон Республикаси ёшлар иттифоқи Тошкент шаҳар кенгашига:
“Конституция менинг тақдиримда” ижодий ишлар танловини ташкил
этиш ва ўтказиш;
барча таълим муассасалари ўқувчиларига танлов билан боғлиқ маълумотларни етказиш ҳамда бунинг учун барча воситалардан фойдаланиш (оғзаки ва кўргазмали шаклда ҳамда ОАВ (матбуот, радио ва телевидение) ва ижтимоий тармоқ орқали);
танловнинг барча босқич ғолибларини эсдалик совғалари билан рағбатлантириш вазифалари юклатилсин.
4. Ушбу қўшма қарор ижросини назорат қилиш Ўзбекистон Республикаси ёшлар иттифоқи Тошкент шаҳар кенгаши раиси ўринбосари Н.Камалова, Тошкент шаҳар халқ таълими бош бошқармаси бошлиғи ўринбосари С.Киргизбаевлар зиммасига юклатилсин.