Тошкент Педиатрия Тиббиёт Институти

Болани водопровод жўмрагидан фойдаланган ҳолда ювинтирилади. Бола қўлини хар доим овқатланишдан олдин ва хожатхонага боргандан кейин ювиши керак.

• Болани водопровод жўмрагидан фойдаланган ҳолда ювинтирилади. Бола қўлини хар доим овқатланишдан олдин ва хожатхонага боргандан кейин ювиши керак.
• Бу боладаги биринчи гигиеник кўникма бўлиб, уни албатта мустаҳкамлаш зарурдир.
• Кўкрак ёшидаги болаларни ҳар сийгандан ёки ичи келгандан кейин таҳорат қилдириш керак.
• Болаларнинг тагини илиқ сув билан водопровод жўмрагидан ёки кружкадан фойдаланиб ювилади.
• Қиз болаларнинг тагини ювишда қорнидан юқорига қараган ҳолда ушланади. Чунки ифлосланган сув анал тешикдан жинсий аъзога оқиб тушмаслиги лозим.
• Ўғил болаларни чотини хар қандай холатда ювиш мумкин.
• Ювинтириб бўлгандан кейин терини йўргакни босиб қуритилади.

Сочни парваришлаш

• Ўғил болалар сочини калта қилиб бир ойдан кечиктирмай олдириб турилади.
• Сочини узун қилиб ўстирадиган қиз бола учун албатта ҳар куни сочини яхшилаб тараш учун шахсий тароқ керак. Сочни тараётганда ва ювганда болага ёқмайдиган сезги пайдо бўлмаслиги керак.
• Кўкрак ёшидаги бола бошида қазғоқ (сарғиш ёғсимон ҳолда) бўлса, чўмилтиришдан 1-2 соат аввал бошга қалин қилиб ўсимлик ёғи суриб рўмол билан боғлаб қўйилади. Чўмилтиришдан аввал зич майда тишли тароқ билан тараш керак.

Тишлар парвариши

• Тишларни тозалашда тиш чўткасидан ва тозалаш учун ишлатиладиган моддалардан (тиш пастаси ёки порошоги) фойдаланилади. Болалар учун тиш чўткаси бошини узунлиги 18-25 мм, эни 7,5-11 мм, қилларининг баландлиги 10-12 мм бўлиши лозим. Янги тиш чўткасини ишлатишдан аввал қайноқ сув билан ювилади.
• Болани 2-3 ёшлигидан бошлаб тишларни тозалашга ўргатиш керак.
• Хар бир боланинг шахсий тиш чўткаси бўлиши зарур.Тишларни кунда икки марта, эрталаб нонуштадан олдин, кечқурун эса охирги овқатланишдан кейин, 2-3 минутдан тозалаш лозим, акс ҳолда овқат қолдиқлари таъсирида тишнинг эмал қавати емирилади.
• Тишларни тик, ётиқ, айланма ҳаракатлар орқали, юқори жағни юқоридан пастга, пастки жағни эса пастдан юқорига спиралсимон ҳаракат билан тозаланади.
• Тишни кўндалангига тозалаш тавсия этилмайди, чунки бунда тишнинг милк яқинидаги эмали тезроқ кўчиши ва тиш нервлари сезгир бўлиб қолишига олиб келади.
• Тишни тозалагандан кейин тиш чўткасини тоза сақлаш учун уни совунлаб, сувда чайиб кейинги тиш тозалашгача оғзи берк стаканда сақлаш керак.
• Бола тиш тозалашни янги бошлаганда тишни юмшоқ чўтка билан тозалаши керак.