Тошкент педиатрия тиббиёт институти “хукукшунослик” фанидан 4-Мавзу. Мехнат хукуки асослари

4.3.Мехнат интизоми ва мехнат мухофазаси.
Республикамизда бозор муносабатлари шароитида, факат иш берувчининг эмас, балки ходимнинг хам фаравонлиги эртанги кун самарали ва сермахсул мехнат натижаларига бевосита боглик булган бизнинг кунларимизда корхоналарда мехнат интизомини мустахкамлаш мухим ахамият касб этмокда.
Маълумки, корхоналарда мехнат тартиби иш берувчи касаба уюшмаси кумитаси ёки ходимларнинг бошка вакиллик органи билан келишиб тасдиклайдиган ички мехнат тартиби коидалари билан белгиланади.
Мехнат интизоми коидалари ва мазмуни икки хусусиятни узида ифодалайди:
1.Объектив томондан: мехнат конунлари, интизом уставлари, ички тартиб коидаларда мустахкамланган ишлаб чикаришнинг зарур шартлари.
2.Субъектив томондан: ходим ва иш берувчи томонидан мехнат интизомига оид уз мажбуриятларини бажариш хукукларидан фойдаланиш.
Шундан келиб чиккан холда ходим зиммасига уз мехнат вазифаларини халол, виждонан бажариши, мехнат интизомига риоя килиши, иш берувчининг конуний фармойишларини уз вактида ва аник бажариши, технология интизомига, мехнат мухофазаси, техника хавфсизлиги ва ишлаб чикариш санитарияси талабларига риоя килиши, иш берувчининг мол-мулкини авайлаши ва асраши каби вазифалар юклатилади.¹¹
Иш берувчи эса ходимлар мехнатини ташкил килиши, конунлар ва бошка норматив хужжатларда, мехнат шартномаларида назарда тутилган мехнат шароитларини яратиб бериши, мехнат ва ишлаб чикариш интизомини таъминлаши, мехнат мухофазаси коидаларига риоя этиши, ходимларнинг эхтиёж ваталабларига эътибор билан караши, уларнинг турмуш ва мехнат шароитларини яхшилаб бориши, жамоа шартномалари ва жамоа келишуви тузиши лозим булади.
Мехнат интизоми халол мехнат учун рагбатлантириш ва мукофатлаш усуллари билан, ноинсоф ходимларга нисбатан жазо чораларини куллаш усуллари билан таъминланади.
Узбекистон Республикаси МКнинг 181-моддасида ходимга мехнат интизомини бузганлиги учу ниш берувчи куйидаги интизомий жазо чораларини куллашга хаклилиги курсатилган:

1. 
   Хайфсан;
   
2. 
   Уртача ойлик иш хакининг йигирма фоизидан ортик булмаган микдорда жарима; (баъзи холларда конун хужжатлари асосида уртача ойлик иш хакининг кирик фоизидан ортик булмаган жарима солиниши мумкин)
   
3. 
   Мехнат шартномасининг бекор килиниши. (МКнинг 100-модда иккинчи кисмининг 3 ва 4-бандлари).
   

Интизомий жазо ваколатли шахслар томонидан кулланилади, уни куллашдан олдин иш берувчи ходимдан тушунтириш хати олиши лозим. Хаар бир ножуя харакат учун битта жазо кулланилади. Бу жазо бир ой муддат ичида кулланилиши керак.
Ножуя харакат содир этилган кундан бошлаб олти ой утганидан, молия-хужалик фаолиятини тафтиш этиш ва текшириш натижасида аникланганда эса, содир этилган кундан бошлаб икки йил утганидан кейин жазони куллаб булмайди. Жиноий иш буйича иш юритилган давр бу муддатга кирмайди.
Интизомий жазонинг амалкилиш муддати жазо кулланилган кундан бошлаб бир йилгача уз кучини саклайди. Бу муддат давомида ходимга нисбатан рагбатлантириш чоралари кулланилмайди. Интизомий жазо устидан якка мехнат низоларини куриш учун белгиланган тартибда шикоят килиш хукуки берилади.
Мехнат муносабатлари давомида унинг иштирокчилари бир-бирларининг моддий манфаатларига риоя килишлари ва зарар етишига йул куймасликлари лозим. Мехнат шартномаси томонларнинг узлари моддий жавобгарликларини мухим шарти муйян юридик тартиб булгандагина бу жавобгарликнинг юзага келишидир. Ушбу юридик тартиб уз ичига куйидагиларни олади:
1.касд ва эхтиётсизлик шаклидаги айбли хатти-харакат.
2.харакат ёки харакатсизликнинг конунга хилофлиги.
3.айбли, хукукка хилоф хатти-харакат натижасида зарар юз берганлиги.
4.айбли хатти-харакат билан зарарли окибат уртасида сабабий богланиш мавжудлиги.
Тарафлардан хар бири узига етказилган зарарни исботлашлари лозим булади. Ходимлар томонидан иш берувчига етказилган зарар учун унинг бир ойлик уртачи иш хакидан куп булмаган микдорда моддий жавобгарлик юз беради. Унинг тулик моддий жавобгарлиги факат МКнинг 202-моддаси асосида белгиланиши мумкин.
Иш берувчи томонидан ходимнинг соглигига, мол-мулкига етказилган зарар ходим вафот этганида карамогидаги шахслар бокувчисидан жудо булганлари туфайли курганда уларга тула хажмда коплпб берилади. Тарафлар бир-бирларига маънавий зарар етказганларида у зарар конунда белгиланган хажмда ва тартибда коплаб берилиши лозим. Бу борада Узбекистон Республикаси Олий суди Пленумининг карори мавжуд.
Иш берувчи узига етказилган моддий зарарни ундириш ёки коплаш юзасидан бир йил давомида судга мурожаат килиши мумкин. Маънавий ва согликка етказилган зарар учун муддат белгиланмаган.