Toshkent pedagogika kolleji

Ular mashqning qanday atalishini aytib berishlari va uni bajarib hamda tushuntirib berishlari ham mumkin.



Etti yoshga qadam qo’ygan bolalardan ertalabki badan tarbiya vaqtida harakatlarning chiroyli bajarilishini talab qilish kerak; ular dastlabki holatlarni hamda mashq o’rtasidagi holatlarni aniq va puhta egallashlari, mashqlarni zarur ko’lam bilan to’g’ri bajarishlari kerak.


3.Ertalabki gimnastika uchun mashqlar tanlash va ular asosida gimnastika kompleksini tuzish


Ertalabki gimnastikani o’tkazish mashqlarni bolalar bilan avval o’rganilgan mashqlar ichida oldindan tanlab olishni talab etadi. Tanlab olingan mashqlardan har kuni foydalanish uchun mashqlar kompleksilar tuziladi.



Mashqlar kompleksi uchun mashqlarni tanlash organizmning hayot faoliyatini oshirishni ko’zda tutadi. Bunga asosiy muskul guruhlarini asta-sekin ishga jalb etish, ularni to’g’ri qomatni tarbiyalash maqsadlarida rivojlantirish va mustahkamlash orqali erishiladi.



Ertalabki gimnastika organizmning funksional holatiga rohat baxsh etadigan yurish va yengil yugurish yassi tovonlikdan saqlanishni, fazoda mo’ljal olishni ko’zda tutuvchi uzoq davom etmaydigan mashqlar bilan boshlanadi.



So’ng bolalar umumrivojlantiruvchi mashqlarni bajarish uchun bir necha kolonna bilan yoki doira bo’lib saflanadilar. So’ngra yugurish (yoki sakrash) dan asta-sekin avval intensiv, keyin joyida turib yurishga o’tish va to’xtash bilan tugallanadigan mashqlar bajariladi.



Shunday qilib, ertalabki gimnastika jarayonida barcha asosiy muskul guruhlari ishga tushadi va butun organizmni faoliyat holatiga keltiradi. Yugurish yoki sakrash vaqtida juda katta jismoniy yuklamadan so’ng uning asta-sekin pasayishi (yurish vaqtida) yuz beradi va to’xtash chog’iga kelib organizm holati avvalgi normasiga qaytadi.



Ertalabki gimnastika chog’ida gimnastika buyumlari (bayroqchalar, tayoqchalar, chambaraklar va hokazo) dan foydalanish o’rinli bo’ladi. Bu ularni muayyan tartibda va kelishilgan joyda saqlashni talab etadi, chunki ularni bolalar yurish jarayonida qo’yilgan joyidan oladilar.