Toshkent moliya instituti "soliqlar va soliqqa tortish" kafedrasi saidkarimov shuxrat shakirovich

Jismoniy shaxslardan undiriladigan soliqlarning davlat byudjeti daromadlarini shakllantirishdagi ahamiyati.

Iqtisodiy kategoriya sifatida byudjet turli byudjet fondlarini shakllantirish, taqsimlash, foydalanish paytida yuzaga keluvchi va ro’yobga chiquvchi iqtisodiy munosabatlardir. Moddiy ma’noda byudjet - tegishli darajadagi davlat va mahalliy hokimiyat idoralari faoliyatini ta’minlovchi, ular oldiga qo’yilgan siyosiy, iqtisodiy, ijtimoiy vazifalarni bajarish imkonini beruvchi markazlashtirilgan pul mablag’lari fondidan iboratdir. Huquqiy kategoriya sifatida byudjet tegishli xudud doirasida markazlashtirilgan pul mablag’larini shakllantirish, taqsimlash, foydalanishga qaratilgan va tegishli davlat yoki mahalliy hokimiyat idorasi tomonidan tasdiqlangan asosiy moliyaviy reja, yuridik me’yorlardan iboratdir.
O’zbekiston Respublikasi Davlat byudjetining tuzilishi O’zbekiston Respublikasining “Byudjet tizimi to’g’risida”gi qonuniga muvofiq respublikaning mustaqil davlat va ma’muriy-hududiy tuzilishi bilan belgilanadi. Tarkibiga respublika byudjetini, Qoraqalpog’iston Respublikasi byudjetini va mahalliy byudjetlarni olib, tuziladigan ijtimoiy va iqtisodiy rivojlantirish Davlat rejasiga muvofiq ravishda daromad va xarajatlar bo’yicha tuziladi.




tuman va shahar budjetlari


tuman va shahar budjetlari

1. 
   chizma. O’zbekiston Respublikasi Davlat byudjetining tarkibiy tuzilishi⁴
   

O’zbekiston Respublikasi byudjet tizimi ichida Respublika byudjeti katta ahamiyatga ega. Respublika byudjeti Davlat byudjetining umumdavlat tusidagi tadbirlarni moliyalashtirishda foydalaniladigan qismi bo’lib, unda daromad manbalari va ulardan tushumlar miqdori, shuningdek moliya yili maboynida aniq maqsadlar uchun ajratiladigan mablag’lar sarfi yo’nalishlari va miqdori nazarda tutiladi. Shu sababli bu byudjetga asosiy soliqlar daromad manbai qilib biriktirilgan. Buni quyidagi jadvalda ham ko’rish mumkin.