Toshkent moliya instituti sh. To‘laganova

Axborot bilan ishlashning xarakteriga qarab marketingni boshqarishning texnika vositalarini bir necha guruhlarga bo‘lish mumkin.
Ular:

• 
  axborot olish vositalari;
  
• 
  axborotni qayd etish va saqlash vositalari;
  
• 
  axborotdan nusxa ko‘chirish va uni ko‘paytirish vositalari;
  
• 
  axborot berish vositalari, axborotni hisoblash yo‘li bilan ishlash vositalaridan iborat.
  

Axborot olish vositalari guruhiga o‘lchov asboblari, datchiklar, schyotchiklar, qayd etiladigan moslamalar kiradi.
Marketing xizmat va bo‘limlarining umumiy qo‘llaniladigan ma’lumotlariga bo‘lgan ehtiyojini qondirish uchun original-hujjatdan nusxa tayyorlanadi. Ko‘p miqdorda nusxa tayyorlash jarayoni nusxa ko‘paytirish deb aytiladi. Axborotdan nusxa ko‘chirish va ko‘paytirish vositasi sifatida nur yordamida nusxa ko‘chiradigan, elektrografik va elektrostatik nusxa ko‘chiradigan elektron nusxa ko‘chirish, issiqlik energiyasi yordamida nusxa ko‘chirish, ofset va trafaret yo‘li bilan bosib nusxa ko‘chirish, gektografik bosmada va mikrofoto orqali nusxa ko‘chirish singari turli uskunalar qo‘llaniladi.
Axborotni ishlash, hisoblash va boshqarish uchun tayorlash mashina texnikasi vositalari yordamida amalga oshiriladi. Bajariladigan hisoblarning aniq va operativligiga qo‘yiladigan talablarga qarab, shuningdek, ularning xarakteriga ko‘ra hisoblash jadvallari va nomogrammalar, hisoblash asboblari, hisoblash mashinalari va kompyuterlar ishlatiladi.