Toshkent moliya instituti sh. To‘laganova

Ishlab chiqarishni mukammallashtirish konsepsiyasi. Bu sotuvchilar tomonidan qo‘llanadigan eng qadimgi usullardan biridir. Ishlab chiqarishni mukammallashtirish konsepsiyasi shunday talqin etiladi: iste’molchilarning xohishi bu keng tarqalgan va narxi arzon mahsulotlarning mavjud bo‘lishidir. Bu esa boshqaruvchilarga yangi vazifalarni yuklaydi, ya’ni endi ular ishlab chiqarishni mukammallashtirish, zamonaviylashtirish va taqsimot tizimini natijalarini olishga harakat qilishlari zarur bo‘lib qoladi.
Ishlab chiqarishni mukammallashtirish konsepsiyasi ikki xil holatda ishlatiladi. Birinchisi, agar tovarga bo‘lgan talab taklifni oshirgan holatda. Bunday paytda rahbariyat ishlab chiqarishni kengaytirish yo‘llarini izlashga e’tiborini qaratishi zarur. Ikkinchisi, agar tovar tannarxi judayam yuqori bo‘lsa va uni kamaytirish zarur bo‘lib qolgan holatda. Buning uchun esa ishlab chiqarish samaradorligini oshirish kerak. Genri Fordning konsepsiyasi shundan iborat ediki, u «T» modelni ishlab chiqarishni cho‘zib, mashina tannarxini pasaytirib, narxni hamma iste’molchilar olishi uchun to‘g‘ri keladigan qilib qo‘ydi. Bugungi kunda bu usuldan «Teksas instruments» korporatsiyasi foydalanmoqda. Bu korporatsiya ishlab chiqarish hajmini kengaytirib, xarajatlarni kamaytirib, o‘z tovarlarining narxini tushirishga erishdi. Bu konsepsiyani tatbiq etgan firma Amerika bozorida qo‘l kalkulyatorlari ishlab chiqarish bo‘yicha 1-o‘ringa chiqib oldi. Shundan keyin bu firma xuddi shu strategiyani qo‘l soatlariga qo‘lladi, ammo u omadsizlikka uchradi. «Teksas instruments» soatlari arzon bo‘lsa ham ular iste’molchilarga yoqmadi.
Ishlab chiqarishni mukammallashtirish konsepsiyasini ayrim xizmat ko‘rsatish korxonalari ham qo‘llashadi. Ko‘pgina tibbiy va stomatologik
tashkilotlar konveyer usulida tashkil etilgan. Bu usulda yana ayrim davlat tashkilotlari, shu jumladan, mehnat birjasi va haydovchilik guvohnomasi beruvchi idoralar ishlatadi. Bu tashkilotlar har soatda juda ko‘p mijozlarga xizmat ko‘rsatsa ham bu xizmatlardan qoniqmay shikoyat qiluvchilar ham bor.