Toshkent moliya instituti "pensiya ishi" kafedrasi "ijtimoiy ta

7.2. Pensiyalar, ijtimoiy nafaqalar va kompensatsiya to‘lovlari va boshqa to‘lovlarni 
moliyalashtirish 
 
Ishlamaydigan  va  ishlaydigan  fuqarolarga  pensiyalar,  ijtimoiy  nafaqalar  va 
kompensatsiya  to‘lovlari  va  boshqa  to‘lovlarni moliyalashtirish  uchun  Jamg‘armaning  hududiy 
bo‘linmalari tomonidan G‘aznachilikning bo‘linmalarida hisobraqamlari ochiladi.  
Jamg‘armaning  hududiy  boshqarmalari  to‘lov  to‘lanadigan  har  bir  oyning  15-kunigacha 
ishlamaydigan  va  ishlaydigan  fuqarolarga  pensiyalar,  ijtimoiy  nafaqalar,  kompensatsiya 
to‘lovlari  va  boshqa  to‘lovlar  to‘lash  uchun  mablag‘larga  bo‘lgan  ehtiyoj  hajmini  belgilaydi 
hamda Jamg‘armaning ijro etuvchi apparatiga buyurtmanoma taqdim etadi.  
Jamg‘armaning  ijro  etuvchi  apparati  Jamg‘arma  xarajatlarini  O‘zbekiston  Respublikasi 
Moliya vazirligi tomonidan belgilangan tartibda: 
joriy to‘lov oyining 15-kunigacha - o‘tgan oyning ehtiyoji hisob-kitobidan kelib chiqib 50 
foiz miqdoridagi summani; 
joriy  to‘lov  oyining  27-kunigacha  -  amaldagi  ehtiyojning  taqdim  etilgan  miqdoridan 
qolgan summani moliyalashtiradi. 
Jamg‘armaning  tuman  (shahar)  bo‘limlari  pensiyalar,  ijtimoiy  nafaqalar,  kompensatsiya 
va  boshqa  to‘lovlar  uchun  mablag‘larni  aloqa  tashkilotlari  va  banklarning  hisob  raqamlariga 
o‘tkazadi.  
Jamg‘armaning  tuman  (shahar)  bo‘limlari  tashkilotlarning  buyurtmanomalari  bo‘yicha 
ishlaydigan  pensionerlarga  pensiyalar,  dafn  marosimi  uchun  nafaqalar,  16  yoshgacha  bo‘lgan 
nogiron  bolalarning  ota-onalaridan  biriga  qo‘shimcha  dam  olish  kunlari  uchun  va  qonun 
hujjatlarida nazarda tutilgan boshqa to‘lovlarni to‘lashga mablag‘larni moliyalashtiradi. 
Jamg‘armaning  hisob  raqamlaridan  mablag‘larni  qonun  hujjatlarida  nazarda  tutilmagan 
maqsadlarda o‘tkazish va vaqtincha olib qo‘yish taqiqlanadi. 
Budjetdan tashqari Pensiya jamg‘armasining tuman/shahar bo‘limi jamg‘armaning tuman 
bo‘limi  tomonidan  to‘lanadigan  to‘lovlar  bo‘yicha  har  oyning  1-sanasiga  tezkor  hisobotlar 

---

tuzadi. Unda har oyning boshiga tuman PJ budjetida qolgan mablag‘lar qoldig‘i, shuningdek, bir 
qator  nafaqalar  bo‘yicha  to‘lovlarni  amalga  oshirish  uchun  respublika  budjetidan  ajratmalar 
bo‘yicha  oy  boshiga  qoldiq,  shuningdek,  hisobot  davri  davomida  amalga  oshirilgan 
xarajatlarning pensiyalar va nafaqalar turlari bo‘yicha miqdorlari aks ettiriladi.