|
1
Xaitov A., Ziyadullayev M. O‘zbekistonda pensiya ta’minoti va xorij tajribasi. O‘quv qo‘llanma. –T.: “Adolat”.
2009. -15-b.
2
Xaitov A., Ziyadullayev M. O‘zbekistonda pensiya ta’minoti va xorij tajribasi. O‘quv qo‘llanma. –T.: “Adolat”.
2009. -18-b.
Asta-sekin xalq xo‘jaligining alohida tarmoqlaridagi shaxslarga nisbatan qarilik
pensiyalari joriy qilina boshlandi. 1930-yil 13-fevralda SSSR XKS ning “Ijtimoiy ta’minot
bo‘yicha pensiya va nafaqalar to‘g‘risida”gi Nizomi bilan davlat pensiyalari tartibga solina
boshlandi. Ushbu Nizomning birinchi bo‘limi nogironlik pensiyalariga bag‘ishlangan bo‘lib,
umumiy kasallik bo‘yicha nogironlik pensiyasi ish stajiga qarab, agar mehnatda mayiblansa yoki
kasb kasalligiga uchrasa, ish stajidan kat’iy nazar, I-guruh umumiy kasallikdan nogiron
bo‘lganlarga - o‘rtacha oylik ish haqining uchdan ikki kismi, mehnatda mayiblanganlarga 100
foizi, boshka guruh nogironlariga qisqartirilgan miqdorlarda tayinlanadigan bo‘ldi. Ushbu
Nizomning ikkinchi bo‘limi bo‘yicha ishlab turib, vafot etgan shaxslarning qaramog‘ida bo‘lgan
oila a’zolariga umumiy kasallikdan vafot etganda, oilada ikkita a’zo bo‘lsa, marhumning
o‘rtacha ish haqining to‘qqizdan to‘rt qismi mehnatda mayiblanib, vafot etganlarning oila
a’zolariga o‘rtacha ish haqining to‘rtdan uch kismi miqdorida boquvchisini yuqotganlik
pensiyalari belgilandi. Uchinchi bo‘lim yoshga doir pensiyalarga tegishli bo‘lib, umumiy pensiya
yoshi erkaklarga 60 yosh, ayollarga 55 yosh qilib, talab qilingan ish staji erkaklar uchun 25 yil,
ayollar uchun 20 yil qilib, pensiya miqdori esa o‘rtacha ish haqining 50 foizidan kam bo‘lmagan
miqdor qilib belgilandi.
1929-yil 3-iyuldagi farmonga asosan o‘qituvchilarga, 1930-yil 22-sentyabrdagi farmonga
asosan, qishloq xo‘jaligidagi agronomlarga, 1929-yil 25-sentyabrdagi farmonga asosan qishloq
joylaridagi tibbiy va veterenariya xodimlariga, 1933-yil 17-oktyabrdagi farmonga asosan,
fuqarolik aviatsiyasi xodimlariga ko‘p yillik xizmat qilganlik pensiyalari joriy qilinib, tayinlana
boshlandi.
Ikkinchi jahon urushi yillarida esa harbiy xizmatchilar, ularning oila a’zolariga pensiya
va nafaqalar tayinlash to‘g‘risida bir qancha qarorlar qabul qilindi. Bolali ayollarga, ko‘p bolali
va yolg‘iz onalarga davlat yordamini kuchaytirish maqsadida nafaqalar joriy qilindi.
1944-yil iyuldagi farmonga asosan “Onalik medali”, “Onalik shuhrati” ordeni,
“Qahramon ona” faxriy unvonlari joriy qilindi. 1947-yildan boshlab ko‘p bolali onalarga
nafaqalar tayinlash tartibi to‘g‘risidagi nizom amal qila boshladi.
1956-yil 14-iyulda “Davlat pensiyalari to‘g‘risida”gi birinchi qonun qabul qilindi. Bu
qonunga asosan ilgari ham farmon va karorlar asosida tayinlanib kelinayotgan pensiyalarning
barcha turlari yagona qonunga asoslanib tayinlanadigan bo‘ldi. Lekin bu qonun faqat ishchi va
xizmatchilargagina nogironliq, qarilik, boquvchisini yo‘qotganlik, ko‘p yillik pensiyalarini
tayinlashni ko‘zda tutgan edi.
1964-yil 15-iyulda “Kolxoz a’zolariga pensiya va nafaqalar tayinlash to‘g‘risida”gi
Qonun qabul qilinishi munosabati bilan kolxozchilarning markazlashtirilgan ijtimoiy ta’minot
jamg‘armasi tashkil qilindi va kolxoz a’zolari shu jamg‘arma hisobidan 1965-yil 1-oktyabrdan
boshlab pensiyalar bilan ta’minlana boshladilar.
1968-yil 1-yanvardan boshlab kolxozchilarning pensiya yoshi ishchi-xizmatchilarnikiga
tenglashtirildi va I-, II-guruh nogironlarining pensiyalari miqdorari oshirildi. Shu davrdan
boshlab III-guruh mehnatda mayiblangan kolxoz a’zolariga ham nogironlik pensiyalari
tayinlanadigan bo‘ldi. 1972-yil 3-avgustda “Davlat pensiyalarini tayinlash va to‘lash tartibi
to‘g‘risida”gi Nizom qabul qilinib, pensiyalarni hisoblab chiqarish tartibiga bir nechta
o‘zgartirishlar kiritildi. Ushbu Nizom 1974-yildan yoshga doir pensiyaning eng kam miqdorini
45 so‘m qilib belgiladi.
1990-yilgacha bo‘lgan davrda Ikkinchi jahon urush nogironlari, urushda halok bo‘lganlar
oila a’zolarining pensiya miqdorlarini oshirish va ularga imtiyoz va qengilliklar belgilash
to‘g‘risidagi bir qancha qarorlar, farmonlar qabul qilindi.
1989-yil 1-avgustda “Aholining pensiya ta’minoti va ijtimoiy xizmatning kechiktirib
bo‘lmaydigan tadbirlari to‘g‘risida”gi kichik qonun qabul qilindi va shu davrdan boshlab shahar
va qishloq o‘rtasidagi tafovutga barham berilib, ishchi va xizmatchilarga hamda kolxozchilarga
shu qonun asosida bir xilda pensiyalar tayinlana boshlandi, shu davrgacha bo‘lgan qonunlar o‘z
kuchini yo‘qotdi. Ijtimoiy ta’minotdan barcha fuqarolar teng foydalana boshladilar.
Mamlakat iqtisodiyotining bozor munosabatlari sharoitiga o‘ta boshlashi pensiya
ta’minoti sohasini qayta ko‘rib chiqishni, unda islohotlarni amalga oshirish zarurligini taqozo
qildi. Shu munosabat bilan 1990-yil 15-mayda “SSSRda fuqarolarning pensiya ta’minoti
to‘g‘risida”gi Qonuni qabul qilinib, 1991-yildan kuchga kirdi. Qonun asosida pensiya sohasida
islohotlar boshlanib, davlat ijtimoiy ta’minoti, ijtimoiy pensiyalar, daromadlar indeksatsiyasi
kabi yangi tizimlar amal qila boshladi. Bu Qonun mustaqil respublikamizning pensiya
munosabatlari borasidagi o‘zining mustaqil qonuni qabul qilingunga qadar 1994-yil 1-iyulgacha
amalda bo‘ldi.
1990-yil 28-aprelda “Harbiy xizmatchilarning pensiya ta’minoti to‘g‘risida”gi Qonun
qabul qilinib, harbiy xizmatchilar, ichki ishlar organlari, milliy xavfsizlik xizmati xodimlariga
pensiyalar shu qonunga asosan tayinlanib, bu qonunga hozirgi kunda ham amal qilinib
kelinmoqda.
Do'stlaringiz bilan baham: |
