Toshkent moliya instituti moliyaviy menejment fakulteti

II BOB. “AGROFIRMA QO’YLIQ” XUSUSIY KORXONASINING IQTISODIY RIVOJLANISH KO’RSATKICHLARI TAHLILI
2.1. “Agrofirma Qo’yliq” xususiy korxona rivojlanishining joriy holatini tahlili
Ishlab shiqarish korxonalari iqtisodiyotimizning taraqqiy ettirishda o’zining salmoqli hissasini qo’sha olishi mumkin bo’lgan tadbirkorlik sub’ektlarini tashkil etish va ular qulay shart-sharoitlar yaratib berish borasida olib borilayotgan keng ko’lamli islohotlar natijasida mamlakat iqtisodiyotida bir qator ijobiy o’zgarishlar ro’y bermoqda. Korxonalarni rivojlantirish borasidagi chora-tadbirlardan ko’zda tutilgan asosiy maqsadlardan biri bu mehnat resurslaridan oqilona va samarali foydalanishdir. Bizga yaxshi ma’lumki har qanday davlatning iqtisodiy jihatdan taraqqiy etishida agrar soha muhim ahamiyat kasb etgan. Buni biz dunyo tajribalaridan hai ko’rishimiz mumkin. Bizning mamlakatimizda ham mustaqillikning dastlabki yillaridanoq agrar sohani rivojlantirish va uning huquqiy asoslarini yaratishga alohida e’tibor qaratila boshlandi buning natijasida esa resupblikamiz agrar industrial mamlakatdan industrial agrar mamlakatga aylanib bormoqda.
Sohada mahsulot yetishtirish, uni qayta ishlash va eksport qilish kabi dolzarb muammolarning yechimi sifatida tashkil etilgan va hozirda bu sohada ishlab chiqarilayotgan mahsulotlarni aholiga yetkazishda tarmoqda ko’p ishlar amalga oshirilmoqda, shulardan bittasi mahsulotni yetkazib beruvchilarni rag’batlantirishdir.
Biz amaliyot o’tagan “AGROFIRMA QO’YLIQ” hususiy firmasi bo’lib, uning faoliyat turi asosan qishloq xo’jaligi mahsulotlarini yetishtirish, sotib olish, qayta ishlash va uni eksport qilish bilan shug’ullanadi. “AGROFIRMA QO’YLIQ” 1995 yil 27 fevralda tashkil topgan⁸. Firma o’zining mukammal boshqaruv strukturasiga ega bo’lib, bunda barcha bo’limlar faoliyati aniq belgilab qo’yilgan.(1-rasm) Firmaning ta’sischisi Ahmedov Mehriddin Mirzaevich.