Тошкент молия институти “молия-кредит” кафедраси

2. Корхоналар операцион фаолияти харажатлари ва даромадлари
Бозор иқтисодиёти шароитида ҳар бир хўжалик юритувчи субъектнинг
олдига қўйган асосий мақсади бу фойда олишдир. Фойда ижтимоий ишлаб
чиқаришни ҳамма босқичларининг иқтисодий категориясидир. Фойда
иқтисодий категория ва молиявий якун сифатида ўзининг энг юқори
аҳамиятига бозор муносабатлари, бозор иқтисодиёти даврида кўтарилади.
Фойдани барпо этиш, уни реализация қилиш бу кенгайтирилган қайта ишлаб
чиқаришни, қиймат қонунини ва хўжалик юритиш усули сифатида
фойдаланадиган хўжалик ҳисобининг объектив талабидир.
Кенгайтирилган қайта ишлаб чиқариш ишлаб чиқаришнинг доимо
кенгайишинини, унинг техникавий даражасини мунтазам кўтариб туришни
талаб этади. Бунинг учун ишлаб чиқаришда ҳамма вақт фойдага эришилиши,
реализация қилиниши ва ундан ишлаб чиқариш эҳтиёжлари учун
фойдаланиш лозим.
Фойда (даромад) иқтисодий ҳаракатнинг зарурий шарти мақсади
сифатида қаралади. Жаҳон амалиғтида фойда дейилганда кўпинча бизнес
самарадорлигининг тадбир воситаси сифатида қаралади. Фойда бу
даромадлар ва харажатлар фарқланишидаги юқори ўзгарувчанликдир. Улар
орасидаги қуйи ўзгарувчанлик эса зарарни ифодалайди.
Даромадлар ва харажатлар молиявий натижларни характерловчи
фойдани ўлчашга дахлдор бўлган элементлар ҳисобланади. Даромадлар ва
харажатларни, яни фойдани аниқлаш ва ўлчаш - корхона ўз молиявий
ҳисоботини тайёрлашда фойдаланиладиган капитал концепцияси ҳамда
капиталнинг сақланишига боғлик бўлади. Даромадлар ва харажаталар элементлари қуйидагича аниқланади.
Даромадлар - бу ҳисобот даврида иқтисодий фойданинг активларнинг
оқими ғки кўпайиши шаклида ўсиши ғки пассивларнинг қатнашчиларнинг
капиталдаги омонатларидан фарқ этувчи ўсишига олиб келувчи
камайишидир.
Харажатлар – ҳисобот даврида иқтисодий фойданинг активларнинг
чиқиб кетиши ғки улардан фойдаланиш шаклида камайиши, шунингдек ,
қатнашчилар ўртасида капиталнинг камайишига олиб келувчи
мажбуриятларнинг юзага келишидир.
Асосий фаолиятнинг бошқа жарағнларидан даромад ва
харажатлар таҳлилида асосий ишлаб чиқариш фаолиятининг маҳсулот иш ва
хизматларни сотишдан ташқари фаолиятлардан олинган даромад ва
йўкотишлари таҳлил этилади. Асосий фаолиятнинг бошқа жарағнлардан
олинган даромад ва харажатлар кўпинча операцион даромадлар ва
харажатлар деб ҳам айтилади. Операцион харажатлар ва даромадлар
қаторига бошқа сотишлардан олинган даромадлар ғки улар бўйича
йўқотишлар киради.
Корхонанинг бошқа операцион харажатларига қуйидагилар киради:
кадрлар тайёрлаш ва уларни қайта тайёрлаш харажатлари, лойиҳа ва
қурилиш-монтаж ишларида чалаликни бартараф этиш харажатлари, маслаҳат
ва ахборот тизимларига ҳақ тўлаш, аудиторлик хизматлари учун тўловлар,
саломатликни муҳофаза қилиш ва ходимларни ишлаб чиқариш жараёнида
бевосита қатнашуви билан боғлиқ бўлмаган дам олишларни ташкил этиш
тадбирлари харажатлари, шаҳар ободончилик ишлари ва қишлоқ хўжалигига
ёрдам бериш билан боғлиқ харажатлар, компенсация ва рағбатлантириш
тусидаги тўловлар иш ҳақини ҳисоблашда эътиборга олинмайдиган тўловлар
ва харажатлар, яъни, моддий ёрдам, соғлиқни сақлаш объектлари, қариялар
ва ногиронлар уйлари, болалар мактабгача тарбия муассасалари,
соғломлаштириш лагерлари, маданият ва спорт объектларини асраш
харажатлари, вақтинча тўхтатиб қўйилган ишлаб чиқариш қувватлари ва
объектларини сақлаш харажатлари, банк хизмати учун тўловлар, ҳар хил
хайрия жамғармалари, экология, соғломлаштириш, маданият, халқ таълими,
ижтимоий таъминот ва шу каби ташкилотларга бадаллар, бюджетга
мажбурий тўловлар, солиқлар ва йиғимлар ва бюджетдан ташқари
жамғармаларга ажратмалар, зарарлар, жарималар, пенялар ва бошқа
харажатлардан иборатдир.
Асосий ишлаб чиқариш фаолиятидан олинган бошқа даромадларга
қуйидагилар киради:
 ундирилган ёки қарздор томонидан эътироф қилинган
жарималар ва пенялар;
 ҳисобот йилида аниқланган ўтган йилга тегишли фойда;
 ёрдамчи хизмат кўрсатувчи тармоқлардан олинган
тушумлар;
 асосий воситалар, номоддий активлар ва бошқа молмулкларни сотишдан олинган даромадлар;
 даъво билдириш муддати ўтган кредиторлик ва депонент
қарзларни ҳисобдан чиқаришдан олинган даромадлар;
 товар-моддий бойликларни қайта баҳоланишдан кўрилган
натижалар;
 давлат субсидияларидан даромадлар;
 холисона молиявий ёрдам;
 бошқа операцион даромадлар.
Операцион жараёнлардан олинган даромадлар қаторига корхонанинг
асосий ишлаб чиқариш фаолиятининг маҳсулот ишлаб чиқариш ва сотишдан
ташқари фаолиятидан олинадиган даромадлар киритилади. Улар бўйича
харажатлар ва даромадлар қатори алоҳида таркибланган ҳолда умумий
суммада молиявий натижалар тўғрисидаги ҳисоботга туширилади.
Операцион даромадлар ва харажатлар ўзининг соф қиймати бўйича ҳам
молиявий натижалар тўғрисидаги ҳисоботга туширилиши белгиланган.
Бунда операцион жарағнлардан олинган даромадлар улар бўйича харажатлар
қийматига фарқланган ҳолда ҳисоботга фойда ғки зарар қаторига
туширилади.
Бошқа сотишлар бўйича Республика Солиқ кодексига мувофиқ алоҳида
солиқлар тўлови қўлланилади. Шунингдек, маҳсулот (иш ва хизмат)ларни сотишга солиқлар, даромад ғки тушумларнинг бу қатори бўйича ҳам амал этади. Бошқа сотишлардан соф тушум суммаси ҳам маҳсулот (иш ва хизмат)ларни сотишдан соф тушумни аниқлашдаги каби услубий боғланишга эга.
Операцион жараёнлардан даромадлар қаторига қуйидагиларни
киритиш мумкин. Корхонада ортиқча саналган ғки фойдаланишсиз турган
асосий воситаларни сотишдан олинган натижа, уларни ҳисобдан чиқаришдан
олинган натижа, номоддий активларни ҳисобдан чиқариш ва сотишдан
олинган натижа, капитал қўйилмалар бўйича натижа, узоқ муддатли
ишлатишга олинган, лизинг қўлловидан даромадлар, қимматли қоғозларни
сотишдан олинган даромадлар, кам баҳоли ва тез эскирувчи буюмларни
сотишдан олинган даромадлар, материал ва хом-ашғларни сотишдан олинган
даромадлар, валюта маблағларини сотишдан олинган даромадлар, улар
бўйича сарфлар ва йўқотишларни ўз ичига олади.