Toshkent moliya instituti "menejmet" kafedrasi "menejment"

Portfelli  strategiyalar.  Marketing  amaliyoti  «portfel»ni  bir-biriga  bog‘liq 

bo‘lmagan xo‘jalik bo‘linmalari, bir kompaniya yoki firma strategik birliklarining 

jamlanmasi ko‘rinishida ko‘rib chiqadi (moliya sohasida kapitallarni joylashtirishga 

o‘xshash holda). Bular asosida korxonaning turli faoliyat sohalarini ularning bozor 

ehtiyojlarini qondirish va har bir sohaga kapital qo‘yilmalarni amalga oshirishdagi 

o‘rni  va  roli  nuqtai  nazaridan  boshqarish  bilan  bog‘liq  bo‘lgan  vazifalar  samarali 

hal etiladi. O‘z portfelining tahlili ko‘p profilli firmaga cheklangan resurslarni turli 

xil  tovar  bozorlari  o‘rtasida  taqsimlashga  yordam  berishi  kerak.  Korxona 

resurslarini  bozor  faoliyatining  xo‘jalik  yo‘nalishlarini  tanlash  asosida  boshqarish 

«jozibalik  —  raqobatbardoshlik  matritsasi»  deb  nomlanadigan  Boston  konsalting 

gruppasi (BKG) uslubidan foydalanish yordamida amalga oshiriladi.  

Biroq bu marketing strategiyalari va dasturlari kompaniyaning umumiy keng 

qamrovli  strategik  rejalari  orqali  yo‘naltiriladi  va  ayni  vaqtda  bu  rejalarda 

xaridorlarga e‘tibor qaratilgan bo‘lishi kerak.