Toshkent moliya instituti "menejmet" kafedrasi "menejment"

Marketingning  muhiti,  umuman  bozor  kon‘yunkturasiga  va  xususan  firma 

faoliyati,  shu  jumladan,  bozorning  boshqa  sub‘ektlariga  bevosita  ta‘sir  etuvchi 

kuchlar va omillar yig‘indisidan iborat. Muhit doimiy o‘zgarishda, ya‘ni u yoki bu 

salbiy yo ijobiy ta‘sir ko‘rsatishi mumkinligi sababli, uni tizimli o‘rganish, alohida 

jarayonlarni va ularning o‘zaro aloqasini kuzatish zaruriyati marketing tadqiqotlari 

jarayonida  juda  muhim  tadbir  bo‘lib  hisoblanadi.  Hatto  muhitning  arzimas 

o‘zgarishiga  e‘tibor  bermaslik  yoki  nazoratni  susaytirish  firmaning  va  bozorning 

boshqa  sub‘ektlari  ishida  juda  og‘ir  oqibatlarga  olib  kelishi  mumkin.  Shuning 

uchun  korxona  marketologlarining  muhit  doirasida  bo‘layotgan  o‘zgartirishlarni 

alohida  va  mas‘uldorlik  bilan  kuzatib  borishlari  nazarda  tutiladi.  Boshqalarga 

qaraganda  ular  yangi  tendentsiyalarni  kuzatib  qulay  imkoniyatlarni  topishlari 

lozim,  chunki  ular  ixtiyorida  maxsus  marketing  instrumentlari,  ya‘ni  marketing 

tadqiqotlari mavjuddir. 

Kompaniyada  boshqa  har  qaysi  guruhdan  ko‘proq  marketologlar  muhit 

moyiliklarini o‘rganib borishi va imkoniyatlarni izlab topishi zarur. Tashkilotda har 

bir menejer tashqi muhitni kuzatib borishi zarurligi bilan bir vaqtda, marketologlar 

ikkita  alohida  qobiliyatga  ega  bo‘lishi  kerak.  Ular  marketing  muhiti  haqida 

axborotni  yig‘ish  uchun  marketing  tadqiqotlar  va  marketing  qidirish  metodlarini 

ishlab chiqdilar. Ular mijozlar va raqobatchilar bilan muhitlarga ham ko‘p e‘tibor 

qaratishgan. 

Muhitni  puxta  o‘rgangan  holda,  marketologlar  o‘z  strategiyalari  bozorning 

yangi  talablari  va  imkoniyatlariga  javob  berishlari  uchun  ularni  moslashtirishlari 

mumkin. 

Marketing  muhiti  mikromuhit  va  makromuhitdan  iborat.  Mikromuhit 

kompaniyaning  o‘z  mijozlari  –  kompaniyalar,  ta`minotchilar,  marketing 

                                                           

1

  Phillip  Kotler,  Gary  Armstrong.  Marketing  asoslari.  15-nashr.  Darslik.  ―Pearson  Education  Limited‖  nashriyoti. 

2014 yil. 92-bet. 

---

153 

 

vositachilar,  mijoz  bozorlari,  raqobatchilar  va  jamoatchilikka  xizmat  ko‘rsatish 

imkoniyatlariga  ta‘sir  ko‘rsatishi  mumkin  bo‘lgan  kompaniyada  ishtirok  etuvchi 

shaxslardan  iborat.  Makromuhit  mikromuhitga  ta‘sir  ko‘rsutuvchi  yanada  yirik 

jamoatchilik  kuchlardan  –  demografik,  iqtisodiy,  tabiiy,  texnologik,  siyosiy  va 

madaniy  omillardan  iborat.  Dastlab,  kompaniyaning  mikromuhitini  ko‘rib 

chiqamiz.