Toshkent moliya instituti iqtisodiyotda axborot komplekslari va texnologiyalari

2.3. Koʻrgazmali vositalar tayyorlash

Talaba mavzuni bayon qilish va yaxshiroq oʻzlashtirish uchun yordam beradigan koʻrgazmali materiallar (jadvallar, chizmalar, rasmlar, xaritalar, maketlar, modellar, grafiklar, namunalar va h.k.) tayyorlaydi. Koʻrgazmali vositalarning miqdori, shakli va mazmuni talaba tomonidan interfaol ta’lim texnologiyalarining grafik organayzerlari: klaster, toifalash jadvali, insert, B/B/B jadvali, venn diagrammasi, «nima uchun?», «baliq skeleti», «piramida», «nilufar guli» sxemalari, «qanday?», ierarxik diagrammasi, «kaskad» tarkibiy-mantiqiy sxema va boshqalar asosida mustaqil ravishda tanlanadi.

Bunday vazifani bir mavzu boʻyicha bir necha talaba bajarishi ham mumkin.

Aqliy hujum metodi

1. 
   Aqliy hujum (breynstroming-aqllar to‘zoni) – amaliy yoki ilmiy muammolar echish g‘oyasini jamoaviy yuzaga keltirishda qo‘llaniladigan metod.
   
2. 
   Metod chegaralangan vaqt oralig‘i ichida aniq muammo (savol, masala)ni echishning noan’anaviy yo‘llarini izlash bo‘yicha o‘quvchilarni aqliy faoliyatini yo‘naltirishga asoslangan.
   
3. 
   O’quv mashg‘ulotidagi aqliy hujum uchunmuammoni tanlash quyidagi tamoyillar bo‘yicha amalga oshiriladi:
   
4. 
   Tanlangan muammo nazariy va amaliy ahamiyatga ega bo‘lishi hamda o‘quvchilarda faol qiziqish uyg‘otishi kerak;
   
5. 
   Ko‘p har xil ma’nodagi echim variantlariga ega bo‘lishi kerak.
   

O’qitish texnologiyasini ishlab chiqishda aqliy hujum metodi o‘quv mashg‘ulotining bir lavhasi yoki butun mashg‘ulotni o‘tkazish asosi sifatida rejalashtirilgan bo‘lishi mumkin.

Aqliy hujum metodining texnologik chizmasi 1-rasmda keltirilgan.

Aqliy hujum metodining texnologik chizmasi

Insert texnikasi

INSERT (inglizcha so‘zdan olingan bo‘lib - INSERT – Interaktive- interfaol Noting – belgilash System - tizim for-uchun Effective – samarali Reading – o‘qish and– va Thinking – fikrlash degan ma’noni anglatadi).

Samarali o‘qish va fikrlash uchun matnda belgilar qo‘yishning interfaol tizimi hisoblanadi. Matnni belgilash tizimi:

(√) - mening bilganimni tasdiqlovchi axborot;

(+) –men uchun yangi axborot;

(−) - menning bilganlarimga, zid axborot;

(?) - meni o‘ylantirib qo‘ydi. Bu bo‘yicha menga qo‘shimcha axborot kerak.