Toshkent moliya instituti ijtimoiy soha iqtisodiyoti fanidan

"Болаларни қутқаринг" фонди. 1919 йилда Буюк Британияда ташкил этилган бу Фонд жаҳоннинг 50 дан ортиқ мамлакатларида иш олиб бораётган етакчи халқаро болалар хайрия ташкилоти ҳисобланади. Фонднинг асосий вазифаси болаларнинг ҳуқуқларини муҳофаза қилиш, болаларга, уларнинг оилалари ва жамоаларига иқтисодий барқарорликка эришишда ёрдам кўрсатишдан иборат.
Фонднинг дастурлари тадқиқот ишлари олиб бориш ва бевосита ҳимоя тадбирларини амалга ошириш орқали қашшоқликка қарши кураш ва узоқ муддатли ривожлантиришга йўналтирилган. Фонд шунингдек фавқулодда
ҳолатларда инсонпарварлик ёрдами, жабр кўрган одамларга тиббий ёрдам кўрсатади, зиддиятли вазиятларнинг олдини олиш ва уларни бартараф этиш бўйича иш олиб боради.
Фонднинг Ўзбекистондаги фаолияти ижтимоий ривожлантириш ва ногиронларга ёрдам кўрсатиш, шу жумладан таълим бериш, меҳнатга лаёқатсизлик муаммоларини тадқиқ қилиш, ногирон болаларнинг ота- оналарини қўллаб-қувватлаш, грантлар ва асбоб-ускуналар тақдим этишга йўналтирилган.
Меҳр-шафқат халқаро корпуси (МКМ). МКМ 1979 йилда қочоқларни қутқариш фонди шаклида ташкил этилган бўлиб, инсонпарварлик ёрдами кўрсатиш мақсадида бир қатор инсонпарварлик ташкилотларини бирлаштирувчи марказий орган сифатида фаолият кўрсатади.
МКМ ўтиш даврини бошдан кечираётган мамлакатларга қашшоқликни тугатиш, ижтимоий муаммоларни тинчлик-тотувлик билан ҳал қилиш, ижтимоий тузилмани тиклашга ёрдам беради, фавқулодда вазиятларда ёрдам қўлини чўзади, ҳамжамиятларни барқарор ривожлантириш дастурларини амалга оширишга кўмаклашади.
Қизил Хоч халқаро қўмитаси (МККК). МККК мустақил халқаро ташкилот бўлиб, унинг вазифалари жумласига урушлар ва фуқаролар тўқнашувларида жабр кўрган шахсларга ёрдам кўрсатиш, шунингдек халқаро инсонпарварлик ҳуқуқининг ролини ошириш киради. МККК можаролашган томонлар ўртасида воситачилик қилади ва улар ўртасида музокара ўрнатилишига кўмаклашади.
МККК ўз фаолиятида Ўзбекистон Республикасининг Қизил Яримой жамияти билан ҳамкорлик қилишга устувор аҳамият бермоқда.