Toshkent moliya instituti ijtimoiy soha iqtisodiyoti fanidan

Нодавлат нотижорат ташкилотлар ва давлат органлари фаолиятини мувофиқлаштириш

Нотижорат ташкилотлари фаолиятини давлат ҳокимияти ва маҳаллий ўзини ўзи бошқариш органлари томонидан тўғридан тўғри молиялаштиришнинг асосли эканлиги бу энг муҳим ижтимоий вазифаларни қай даражада ҳал қилиш имконини берганлиги билан белгиланади. Амалда бунга умумдавлат, минтақавий ва маҳаллий ижтимоий дастурларни амалга ошириш доирасида эришилади. Ўзининг мақсадли йўналишига кўра бундай дастурлар аҳолига ижтимоий ёрдам кўрсатиш ва ижтимоий-маданий соҳа
тармоқлари (соғлиқни сақлаш, таълим, маданият)ни қўллаб-қувватлаш билан боғлиқ.
Ўзбекистон Республикаси мустақилликни қўлга киритганидан кейин давлат ҳокимияти ва маҳаллий ўзини ўзи бошқариш органларининг жамият ҳаётининг барча томонларини ислоҳ қилиш даврида аҳолини ижтимоий қўллаб-қувватлаш соҳасидаги сиёсатида уч асосий йўналишни ажратиш мумкин:

1. 
   "шошилинч ижтимоий ёрдам" кўрсатиш;
   
2. 
   ижтимоий реабилитация;
   
3. 
   ижтимоий муаммоларни ҳал қилиш.
   

"Шошилинч ижгимоий ёрдам" кўрсатиш: аҳолининг ижтимоий жиҳатдан яхши ҳимоя қилинмаган табақаларига (қариялар, ногиронлар, етим- есирлар ва бошқаларга) ёрдам кўрсатиш; аҳолига ижтимоий хизмат кўрсатиш ташкилотларининг ҳар хил турлари тармоқлари (ижтимоий хизмат кўрсатиш марказлари, оила ва болаларга ижтимоий хизмат кўрсатиш ташкилотлари, уйда ихтисослашган ижтимоий ёрдам кўрсатиш ва бошқалар)ни ривожлантириш.
Ижтимоий реабилитация: ногиронларни ижтимоий реабилитация қилиш; ҳарбий хизматдан бўшатилган шахсларни, ҳалок бўлган ҳарбий хизматчиларнинг оила аъзоларини фаол фуқаролик ҳаётига жалб қилиш учун шарт-шароит яратиш; оилани қўллаб-қувватлашнинг янги ижтимоий технологияларини, шу жумладан танг вазиятлардан чиқиш, янги шароитларга психологик мослашиш бўйича маслаҳат хизматлари кўрсатишни ривожлантириш; зўравонликдан жабр кўрганларни ижтимоий реабилитация килиш; оғир турмуш шароитида яшаётган. Имкониятлари чекланган болаларни ижтимоий мослаштириш ва реабилитация қилиш тизимини ташкил этиш.