Toshkent moliya instituti "ijtimoiy fanlar" kafedrasi

 

 

 

13 

 

yondashish siyosatshunoslikning predmetini tashkil etadi. Munosabatlar o‘zagini axloqiy me’yorlar tashkil 

qilgan taqdirda esa tadqiqotchi etika sohasiga qadam qo‘yadi. 

SHunday qilib, falsafaning asosiy masalasi strukturasi falsafaning o‘z strukturasini aks ettiradi, falsafa esa 

o‘z asosiy masalasining keng nazariyasi sifatida namoyon bo‘ladi. Boshqacha qilib aytganda, falsafaning 

asosiy  masalasi  xususida  mulohaza  yuritish  jarayonida  biz  borliq  nima,  tafakkur  nima  degan  savollarga 

turli  xil  javoblar  olamiz.  Vaqt  o‘tishi  bilan  bu  javoblar  o‘z  dalillar  tizimi,  metodologik  tamoyillarini 

shakllantiradi va falsafiy yo‘nalishlarga aylanadi.  

Falsafaning  jamiyatdagi  ahamiyati  -  falsafa  insoniyat  tarixiy  taraqqiyoti  davomida  yaratilgan  ma’naviy 

madaniyatning  bir  qismi  bo‘lib,  insonning  o‘zi  va  borliq  to‘g‘risidagi  bir  butun  dunyoqarashi  tizimidan 

iboratdir.  Falsafa  inson  muammosini  o‘zining  asosiy  o‘rganish  mavzusi  hisoblab,  uning  o‘ziga,  borliqqa 

munosabatini  falsafaning  bosh  masalasi  deb  qaraydi.  SHu  sababli  uning  asosiy  maqsadi  ham  inson 

manfaatlariga  xizmat  qilishdan  iboratdir.Falsafa  o‘z  tadqiqot  mavzusi  sifatida  insonning  mohiyati, 

jamiyatdagi ijtimoiy, iqtisodiy, siyosiy, ma’naviy munosabatlarning asoslari va sabablari, borliq, materiya, 

tabiat taraqqiyotining eng umumiy muammolarini o‘rganadi. Falsafa qadim davrlardan boshlab kishilarning 

aqliy salohiyati o‘sishida, nazariy tafakkuri qaror topishida, axloqiy kamolatida muhim rol o‘ynab kelgan.  

Bugungi  kunda  mamlakatimizda  2017 

—  2021  yillarda  O‘zbekiston  Respublikasini 

rivojlantirishning  beshta  ustuvor  yo‘nalishi  bo‘yicha  Harakatlar  strategiyasi  asosida  barcha  soha  va 

tarmoqlarda  ulkan  o‘zgarishlar  amalga  oshirilmoqda.  Bu  borada  jamiyat  hayotida  ezgu  qadriyat  va 

an’analarni  chuqur  qaror  toptirishga,  xususan,  xalqimiz,  ayniqsa,  yosh  avlodning  ma’naviy-intellektual 

salohiyati,  ongu  tafakkuri  va  dunyoqarashini  yuksaltirishda,  ona  Vatani  va  xalqiga  muhabbat  va  sadoqat 

tuyg‘usi  bilan  yashaydigan  barkamol  shaxsni  tarbiyalashda  falsafa  fanining  o‘rni  beqiyos  ahamiyatga 

egadir.  Yoshlarimizning  jismonan  sog‘lom,  ruhan  va  aqlan  rivojlangan,  mustaqil  fikrlaydigan,  Vatanga 

sodiq, qat’iy hayotiy nuqtai nazarga  ega  yoshlarni  tarbiyalash, demokratik islohotlarni chuqurlashtirish va 

fuqarolik  jamiyatini  rivojlantirish  jarayonida  ularning  ijtimoiy  faolligini  oshirishda  falsafa  fanining 

ahamiyatini ko‘rishimiz mumkin.