8.2. Buxgalteriya hisobotlarini tuzish tartibi
Xo‘jalik yurituvchi subyektning hisobotlari uchta asosiy mezon bo‘yicha
turkumlanadi:
axborotlar hajmiga ko‘ra;
tuzilish maqsadiga ko‘ra;
davriyligi bo‘yicha.
Hisobotdagi ma’lumotlar hajmiga ko‘ra xususiy hisobot va umumiy
123
hisobotlarga bo‘linadi.
Xususiy hisobot xo‘jalik yurituvchi subyektning batta faoliyat uchastkasidagi
ishi to‘g‘risidagi axborotlarni o‘z ichiga oladi.
Umumiy hisobot xo‘jalik yurituvchi subyektning butun moliya-xo‘jalik
faoliyatini tavsiflaydi.
Hisobotlar tayinlanishiga ko‘ra tashqi va ichki hisobotlarga bo‘linadi.
Tashqi hisobotlar xo‘jalik yurituvchi subyektning faoliyat tavsifi, daromadliligi
mulkiy hamda moliyaviy ahvoli to‘g‘risidagi axborotdan tashqi foydalanuvchi-
manfaatdor yuridik va jismoniy shaxslarni axborot bilan ta’minlash vositasi bo‘lib
xizmat qiladi. Buxgalteriya hisobining xalqaro standartlari va O‘zbekiston
Respublikasi Buxgalteriya hisobi to‘g‘risidagi qonunining 20-moddasiga muvofiq
tashqi yillik moliyaviy hisobot e’lon qilinishi lozim.
Ichki hisobotlar xo‘jalik yurituvchi subyektning ichki ehtiyojlaridan kelib
chiqqan holda tuziladi.
Hisobot qamrab oladigan davrlar bo‘yicha davriy (joriy) va yillik hisobotlarga
bo‘linadi.
Korxonaning yillik buxgalteriya hisoboti tegishli organlarga topshirishidan
oldin ta’sis hujjatlarida belgilangan tartibda ko‘rib chiqiladi va tasdiqlanadi.
O‘zbekiston Respublikasining «Buxgalteriya hisobi to‘g‘risida»gi Qonun bilan yillik
hisobotning quyidagi shakllarini tuzish nazarda tutilgan:
1 - «Korxona balansi» (1-shakl);
2 - «Moliyaviy natijalar to‘g‘risida hisobot» (2-shakl);
3 - «Pul oqimi to‘g‘risida hisobot» (4-shakl);
4 - «Xususiy kapital to‘g‘risida hisobot» (5-shakl).
Yuqoridagi hisobot shakllariga izohlar hisob-kitoblar va tushuntirishlar ilova
qilinadi.
Balans chorak va yillik hisobot tarkidiga kiritiladi. Bu «netto» nomli balans
bo‘lib, foydalanuvchilarga korxonaning sof qiymatining hajmi to‘g‘risida axborot
beradi. Chunki mumkin qiymati jami ko‘rsatkichga quyidagi moddalar bo‘yicha
eskirishni chiqarib tashlab ko‘rsatiladi.
Asosiy vositalar, nomoddiy aktivlar va boshqalar, foyda summasi esa, jamiga
faqat hisobot davrida tasdiqlanmagan foyda hajmigina qo‘shiladi. Lekin xo‘jalik
faoliyatini tahlil etish maqsadida balansda quyidagi ko‘rsatkichlar saqlanib kelgan:
dastlabki qiymat va ularning eskirishi, olingan foyda.
Sho‘’ba korxonalari, filiallar va vakilliklariga ega bo‘lgan korxonalar
konsolidallashgan (birlashgan) moliyaviy hisobot tuzadi.
Sho‘’ba korxonalarga qo‘yilgan qo‘yilmalar bosh korxonaning moliyaviy
hisobotida uning moliyaviy qo‘yilmalari sifatida aks ettiriladi.
Yuridik shaxslar o‘zlarining filiallari, vakilliklari va boshqa strukturaviy
bo‘linmalarini mustaqil balansga ajratishi mumkin, lekin ularning balansi va boshqa
hisobot shakllari tegishli yuridik shaxsining konsollidatsiyalashgan hisobotiga,
albatta, qo‘shiladi.
Konsolidatsiyalashgan hisobotga bosh korxonaning moliyaviy hisoboti
andozasiga binoan tuziladi. Lekin vazirliklar, idoralar va byudjet tashkilotlari
bo‘yicha tuziladigan yig‘ma moliyaviy hisobotlar bundan mustasno.
124
Moliyaviy hisobot yil boshidan yig‘ilib boruvchi jami bilan har chorakdan
tekshiriladi.
Byudjet muassasalari chorak va yillik hisobotlarini yuqori organi O‘zbekiston
Respublikasi Moliya vazirligi tomonidan belgilangan muddatlarda topshiradi.
Ayrim xo‘jalik yurituvchi subyektlar uchun O‘zbekiston Respublikasi Vazirlar
Mahkamasi tomonidan Moliyaviy hisobot topshirish bo‘yicha boshqa muddatlar
belgilanishi mumkin.
Xo‘jalik yurituvchi subyektlarning yillik moliyaviy hisoboti qiziquvchi
banklar, birjalar, investorlar, kreditorlar va boshqalar uchun ochiq hisoblanadi.
Ochiq tipdagi aktsionerlik jamiyatlari, sug‘urta kompaniyalari, banklar, fond
va tovar birjalari, investitsiya fondlari va boshqa moliyaviy muassasalar, hisobotda
keltirilgan ma’lumotlar to‘g‘riligini auditorlar tomonidan tasdiqlagandan so‘ng yillik
moliyaviy hisobotni hisobot yilidan keyingi yilning birinchi mayigacha, albatta, nashr
etishlari kerak.
Xo‘jalik yurituvchi subyekt tugatilganda xotima moliyaviy hisobot tuziladi.
Korxonani tugatish bo‘yicha muammolaning buxgalteriya hisobi, tugatish
balansi va hisobatini tuzish, aktivlar qiymatini aniqlash ishlari tugatish komissiyasiga
yuklatiladi.
Umidsiz qarzlar va zararlar tugatish balansiga qo‘shiladi.
Tugatish balansida majburiyatlar ularning qaytarish vaqtiga hisoblangan foizlar
bilan birga aks ettiriladi.
Konsolidatsiyalangan moliyaviy hisobot ma’lum yuridik va moliya-xo‘jalik
munosabatlarida bo‘lgan ikki va undan ortiq korxonalarning hisobotlarini
umumlashtirishdan iborat. Konsolidatsiyalash metodologiyasi va texnikasi xalqaro
hamda bozor iqtisodiyoti rivojlangan mamlakatlarning milliy standartlarida ishlab
chiqilgan va bayon qilingan. Konsolidatsiyalashning maqsadi korporativ guruhga
kiruvchi xo‘jalik yurituvchi subyektlar to‘g‘risidagi axborotlarni yagona xo‘jalik
yurituvchi subyekt sifatida umumlashtirilgan holda taqdim etishdan iborat. Bunda
korporativ guruhga kiruvchi har bir mustaqil korxona barcha xo‘jalik muomalalarini
amaldagi standartlarga muvofiq hisobga olishi va ularning natijalarini moliyaviy
hisobot ko‘rinishida rasmiylashtirishi lozim.
Moliyaviy hisobotlarni konsolidatsiyalash XIX asrning o‘rtalarida AQShda,
kapitalning kontsentratsiyalashuvi va kompaniyalarning birlashishi natijasida vujudga
kelgan. Keyinchalik Evropa mamlakatlarida ham konsolidatsiyalash masalalariga
kirishilgan. Hozirgi vaqtda ikki va undan ortiq korxonalarning birlashishi, xoldinglar,
korporatsiyalar va moliya-sanoat guruhlarining tashkil etilishi mamlakatimiz
amaliyotida ham keng tus olmoqda. Konsolidatsiyalashning zarurligi uning iqtisodiy
jihatdan maqsadga muvofiqligi bilan belgilanadi.
Agar guruhga kiruvchi korxonalar turli mamlakatlarda joylashgan bo‘lsa,
guruhning konsolidatsiyalangan moliyaviy hisobotini tuzishda ularning hisobot
ma’lumotlari yagona valyutaga keltiriladi. Guruhga kiruvchi korxonalar bosh
kompaniya bilan bitta mamlakatda joylashganda ularning moliyaviy hisobotlarini bita
valyutaga keltirishga ehtiyoj bo‘lmaydi va konsolidatsiyalashning yagona
uslublaridan foydalaniladi.
Konsolidatsiyalangan
moliyaviy
hisobot
O‘zbekiston
Respublikasi
125
«Buxgalteriya hisobi to‘g‘risida»gi qonuninng 17-moddasi, buxgalteriya hisobining
xalqaro va milliy standartlariga muvofiq tuziladi. Bunda bosh korxonadan ajralib
chiqib faoliyat ko‘rsatayotgan korxonalar guruhi uchun umumlashgan moliyaviy
moddalarni tuzish va taqdim qilish to‘g‘risida so‘z yuritiladi. Qonunning mazkur
moddasiga muvofiq bir yoki bir necha sho‘’ba korxonalar, filiallar va
vakolatxonalariga ega bo‘lgan korxonalar umumlashgan moliyaviy hisobot tuzadilar.
Ushbu moddaning talablari vazirliklar, idoralar va byudjet tashkilotlarining
jamlama moliyaviy hisobotiga nisbatan tadbiq etilmaydi. Umumlashgan moliyaviy
hisobot buxgalteriya hisobi standartlariga muvofiq tuziladi.
Bosh korxonaning sho‘’ba korxonalarga qo‘shgan hissalari uning moliyaviy
hisobotida moliyaviy qo‘yilma sifatida aks ettiriladi.
Yuridik shaxslar o‘z filiallari, vakolatxonalari va boshqa tarkibiy
bo‘linmalarini, ularning balanslari va hisobot shakllarini belgilangan tartibda tegishli
yuridik shaxsning umumlashtirilgan hisobotiga kiritish sharti bilan mustaqil balansga
ajratib chiqarishlari mumkin.
Konsolidatsiyalangan moliyaviy hisobot, agar bosh kompaniya o‘zining barcha
shu’ba korxonalarini yopib, ular faoliyatini boshqarishni bitta yuridik shaxs doirasida
amalga oshirsa, kompaniyaning hisoboti qanday bo‘lishini ko‘rsatadi.
Konsolidatsiyalangan moliyaviy hisobot rahbariyatga va korporativ guruhga
kiruvchi korxonalar kuzatuv kengashiga, shuningdek, mavjud va potentsial
investorlar, kreditorlar, mol yetkazib beruvchilar, xaridorlar va davlat kabi tashqi
axborotdan foydalanuvchilarga ham taqdim etiladi. Shunisi bilan u axborot
funktsiyasida yopiq bo‘ladi.
Axborotlardan tashqi foydalanuvchilar uchun konsolidatsiyalangan hisobot
xususiy balanslarning cheklanganliklarini bartaraf etadigan, qo‘shimcha axborot
manbai hisoblanadi. Konsolidatsiyalangan hisobot bosh kompaniya uchun o‘z
hisobotini o‘ziga xos «kengaytirish» va «to‘ldirish» hisoblanadi.
Yuqorida bayon qilinganlarni umumlashtirgan holda shuni ta’kidlash joizki,
konsolidatsiyalangan hisobot bir necha xususiyatlarga ega:
konsolidatsiyalangan hisobot yuridik mustaqil korxonaning hisoboti
hisoblanmaydi. Uning maqsadi korporativ guruh faoliyatining natijalari to‘g‘risida
umumiy tasavvur shakllantirishdan iborat. U aniq axborot bilan ta’minlash va tahlil
uchun yo‘naltirilgan;
korporativ guruh a’zolari hisoblangan korxonalar o‘rtasidagi kelishuvlar
konsolidatsiyalangan moliyaviy hisobotga kiritilmaydi. Unda faqat aktivlar va
majburiyatlar, tashqi kontragentlar bilan amalga oshirilgan operatsiyalar bo‘yicha
daromadlar va xarajatlar ko‘rsatiladi. Har qanday guruh ichidagi moliya-xo‘jalik
operatsiyalari identifikatsiyalanadi va konsolidatsiyalash jarayonida chiqarib
tashlanadi (konsolidatsiyalanayotgan hisobotga kiritilmaydi). Konsolidatsiyalash
bosh kompaniya tarkibiga kiruvchi kompaniyalar moliyaviy hisobotlarining bir xil
nomdagi moddalarini oddiy (arifmetik) jamlash emas.
guruhlar hisoboti birlashma tarkibiga kiruvchi har bir kompaniyaning
moliyaviy ahvoli va faoliyat natijalari to‘g‘risidagi yig‘ma axborotlarni aks ettiradi.
Bu demak, bitta sho‘’ba korxonaning foydasi boshqasining zararini «yashirishi», bitta
sho‘’ba korxonaning mustahkam moliyaviy ahvoli boshqasining potentsial to‘lov
126
layoqatini “yashirishi “ mumkin;
agar
guruh
biznesning
har
xil
turlari
bilan
shug‘ullanuvchi
kompaniyalardan iborat bo‘lsa, u holda mazkur guruh bo‘yicha konsolidatsiyalangan
moliyaviy hisobot ayrim muhim tafsilotlarni ochib bermasligi mumkin. Guruh
faoliyatining har biri segmenti to‘g‘risida qo‘shimcha axborotlar etishmagan xollarda
esa №27 MHXS va EH Ettinchi direktivasi bunday ochib berishni talab qiladi.
Konsolidatsiyalangan moliyaviy hisobotning ushbu xususiyatlari uning guruh
faoliyatidagi rolini to‘liq ochib berishga imkon yaratadi. Xususan:
guruh to‘g‘risidagi ijobiy fikrlarni qo‘llab quvvatlash va uning fond
bozoridagi mavqeyini mustahkamlash (guruh va guruhdagi boshqa kompaniyalar
aktsiyalari kotirovkasining o‘sishi) uchun butun guruh bo‘yicha umumlashgan
axborotni taqdim etish;
yagona iqtisodiy birlikning moliyaviy ahvolini va xo‘jalik muomalalarini
aniqroq tasvirlaydi, ammo alohida moliyaviy hisobotlarining o‘rnini bosmaydi;
boshqaruv qarorlarini qabul qilish uchun asos bo‘ladi;
guruh a’zolarining iqtisodiy o‘zaro bog‘liqliligi va o‘zaro ta’sirini
tavsiflaydi;
ushbu hisobot bosh kompaniyaning valyutasida tuzilganligi sababli bosh
kompaniya uchun nazorat funktsiyasini ham bajaradi;
guruh faoliyatini moliyaviy rejalashtirish va moliyalashtirishga ta’sir
ko‘rsatadi va b.
Moliyaviy hisobotlarni konsolidatsiyalash zaruriyati eng avvalo axborotdan
foydalanuvchilarning ehtiyojlaridan kelib chiqadi. Konsolidatsiyalangan moliyaviy
hisobot axborotlaridan foydalanuvchilarga aktsiyadorlar, investorlar, kreditorlar,
korporativ guruhning boshqaruv xodimlari va davlat boshqaruv organlarini kiritish
mumkin.
Albatta, konsolidatsiyalangan moliyaviy hisobotdan asosiy foydalanuvchilar
aktsiyadorlar bo‘lib hisoblanadi. Bosh kompaniya aktsiyasining egasi uning
aktsiyalar paketiga to‘g‘ri keladigan sof aktivlar hajmini baholay olmaydi. Chunki,
bosh kompaniya balansi faqat shu’ba korxonalarga qilingan qo‘yilmalar summasini
o‘z ichiga oladi va ushbu qo‘yilmalarning jami real qiymatini va aktsiyadorlarning
ulushini aks ettirmaydi. Aktsiyadorlarga esa ular qo‘yilmalarining qiymatini obyektiv
aks ettiradigan, bosh kompaniyaga qarashli barcha sho‘’ba va tobe korxonalar
faoliyatining ko‘rsatkichlarini o‘z ichiga olgan axborotlar zarur.
Investorlarga konsolidatsiyalangan moliyaviy hisobot, bir tomondan, guruh
aktivlari va kapitalining umumiy miqdorini (uning imkoniyatlarini) baholash uchun
zarur. Boshqa tomondan, guruhning o‘zi konsolidatsiyalangan moliyaviy hisobotni
taqdim etishdan manfaatdor. Chunki, bu o‘zining to‘lov layoqatini va moliyaviy
barqarorligini ko‘rsatish uchun ham zarur.
Xalqaro Hisobot Tashabbusi (XHT) va Barqarorlik hisoboti.
18
XHT o‘z ishini 1997-yilda Ceres tashkiloti ostida boshladi. 2002-yilda uning
ilk erkin hisobot statistikasi taqdim etilganda Ceres qaramog‘idan chiqdi. Quyidagi
yo‘nalishlarni o‘z ichiga olgan: globallashtiruv, global boshqaruvning yangi
18
“An Introduction to Accounting Theory” Gabriel Donleavy. 2016 yil 141-149 betlar
127
shakllarini izlash, ma’lum iqtisodiy holatlarning roli va boshqalar. Braziliya,
Hindiston, Janubiy Afrika kabi davlatlarning hukumati ham bozori ham ishonchli
hisobotlarga tayanadi. Ishonchli hisobotlar bo‘yicha XHT dunyoning eng ishonchli
statistika manbasidan bo‘lgan va statistika tizimida eng so‘ngi ularning avlodi J-4
hisoblanadi.
Yillik xabar berishlaricha XHT tashkil qilingan XHT ma’lumotlarining foydali
tomonlaridan o‘z ichiga quyidagilarni oladi:
ommaviy iqtisodiyotda samarali boshqaruvi.
tashqi partiyalar bilan aloqasi bo‘lgan kompaniyaga ko‘proq e’tibor berish.
statistik hisobot funksiyalar o‘rtasidagi bog‘lanishlarni ta’minlaydi.
yordamchilar tashkilotning tabiiy, insoniy va ijtimoiy kapitalga bo‘lgan
hissasini baholash uchun o‘zining qobiliyatini kuchaytiradi.
narxlarning o‘zgaruvchanligidagi bo‘lgan ulushini kamaytirishi mumkin.
J-4 hisobotning ikki turi mavjud:
1.
Umumiy standart hisoboti. Bu hisobot umumiy holda beriladi, korxona
faoliyati haqida bayonot va uning ishlab chiqarish jarayoni yoritiladi. Bular ularning
materiallar bo‘yicha tahlilidan qat’iy nazar korxonalar uchun muhimdir. Korxonaning
istiqbolda qachongacha dosh berishi va bu jarayonga investorlarni qanday jalb qilishi,
ahloq va to‘g‘rilik yo‘li bilan qanday bartaraf etishiga qarab umumiy standart hisobot
berishning 7 turi bor.
2.
Maxsus standart hisoboti. Bu hisobot firmalar o‘zlarining mol-mulklarini
qanday boshqarishlari haqida tushuntiradigan, atrof-muhitni va aholiga ta’sir
ko‘rsatishi, raqobatga dosh bera olishini ta’minlash haqida yoritiladigan J-4
hisobotning tarkibiga kiradigan boshqaruv hisobotidir. Boshqaruv hisobotida 3
jihatga e’tibor beriladi: mol-mulklar holati haqida, ularni qanday boshqarish va
baholash kerakligiga.
Xalqaro yig‘ma hisobot konsolidatsiyasi (XYHK). XYHK hisobotning
mohiyati bilan shug‘ullanadi, qisqartmasi YH deb nomlanib, yig‘ma hisobot
korxonaning strategiyasi, boshqaruvi, ijro etishi va kelajakdagi rejalari, shuningdek,
tashqi muhitdagi o‘rni bo‘yicha o‘zaro qisqa aloqasiga aytiladi. Shuni nazarda tutish
lozimki, yig‘ma hisobot korxonaning moliyaviy holati haqidagi hisobot emas, balki
korxonaning narx qo‘yishni qanday tanlashi kerakligi to‘g‘risidagi hisobotning yangi
turi hisoblanadi.
Yig‘ma hisobotning aniq auditoriyasi moliyaviy kapitalni ta’minlab
beruvchilar sifatida tasdiqlanadi. Xalqaro yig‘ma hisobot konsalidatsiyasi shuni
ta’kidlaydiki, yig‘ma hisobotning oliy maqsadi bu moliyaviy kapitalni ta’minlovchi
investorlarga korxona ma’lum vaqt davomida narxni qanday tanlashini
tushuntirishdir. Shuning uchun yig‘ma hisobot bir qancha ma’lumotlar, ham
moliyaviy va ham boshqaruv ma’lumotlaridan tashkil topadi. Narx nafaqat firmaning
bozordagi mahsuloti narxining ko‘tarilishini, balki xalqaro yig‘ma hisobot
tasdiqlagan kapitalning 5 turidan istalgan birining ko‘tarilishini ham anglatadi. Bu
kapitalga moliyaviy, ishlab chiqarish, intelektual, inson, ijtimoiy munosabatlar va
tabiat kiradi. Korxonaning aktivlari va ishlab chiqarish hajmi kapitallardan ba’zi yoki
bir qanchasining o‘zgarishiga olib keladi. Bular oshkor etilishi shart.
128
Yig‘ma hisobot korxonaning biznes rejasi qanday degan savolga javob berishi
lozim. Korxonaning biznes rejasi bu korxonaning strategik maqsadlari va narxlarni
belgilashni aniqlashi kerakligi uchun uning aktivlari, ularning kirimi va
samaradorligini yoritish tizimi hisoblanadi.
Yig‘ma hisobot korxonaningboshqaruv strategiyasi qisqa, joriy va uzoq
muddatli mavsumlarda narxni qanday qilib tanlash va ushlab turish kerakligiga javob
berishi lozim.
Do'stlaringiz bilan baham: |