Toshkent moliya instituti "buxgalteriya hisobi" kafedrasi

Tannarx; 
prime cost; себестоимость; 
mahsulot ishlab chiqarish, ishlar 
bajarish, xizmatlar ko‘rsatishda foydalaniladigan moddiy resurslarning, asosiy 
fondlarning, mehnat resurslarining, shuningdek tovarlar ishlab chiqarish, ishlar 
bajarish, xizmatlar ko‘rsatish jarayonini amalga oshirish uchun zarur bo‘lgan boshqa 
turdagi xarajatlarning qiymat bahosi 
Taqqoslovchi schyotlar; 
comparative accounts; срaвнительные счетa; 
ma’lum xo‘jalik jarayonlarining natijalarini aniqlash uchun tayinlangan buxgalteriya 
hisobi schyotlari. Bu ma’lum schyotlarning debet va kredit aylanmalarini taqqoslash 
yo‘li bilan bajariladi. 
Taqsimlovchi schyotlar; 
distribution accounts; рaспределительные 
счетa; 
ma’lum ishlab chiqarish xarajatlarini hisobga olish va ularnig kalkulyatsiya 
ob’yektlari, hisobot davrlari va hokazolar bo‘yicha to‘g‘ri taqsimlashni ta’minlash 
uchun tayinlangan buxgalteriya hisobi schyotlari. Taqsimlovchi schyotlar ikki turda 
bo‘ladi. Ularning bir xili hisobot davri davomida egri xarajatlar smetasining 
bajarilishi va hisobot davri oxirida kalkulyatsiya obyektlari bo‘yicha taqsimlanishi 
ustidan nazorat qilish uchun tayinlangan. Bunday schyotlar yig‘uvchi-tarqatuvchi 
hisoblanadi. Boshqa taqsimlovchi schyotlar kelgusi davrlar xarajatlari bo‘yicha 
to‘g‘ri taqsimlash uchun tayinlangan. Bunday schyotlarga davrlar bo‘yicha 
taqsimlovchi schyotlar deyiladi.
Tarix; 
history; история; 
1) tabiat va jamiyatdagi har qanday rivojlanish 
jarayoni. Shu ma’noda olamning yaratilish tarixi, yer tarixi, barcha fanlar tarixi va b. 
tushuniladi; 2) insoniyat va uning mahsuli bo‘lgan tamaddunlar rivoji, jamiyat va 
davlatlar o‘tmishi taraqqiyoti jarayonini o‘rganuvchi fan. 
Tartibga soluvchi schyotlar; 
regulating accounts; регулирующие счетa; 
xo‘jalik mablag‘lari baholarini tuzatish (tartibga solish), bu mablag‘lar holati
to‘g‘risida qo‘shimcha ko‘rsatkichlarni olish, shuningdek, ularning manbalarini 
aniqlash uchun tayinlangan buxgalteriya hisobi schyotlari. Har bir schyot ma’lum 
asosiy schyotni tartibga solish uchun tayinlangan. Bunda tartibga soluvchi 
schyotlarda hisobga olingan summa asosiy schyot summasiga qo‘shiladi, yoki undan 
olib tashlanadi. Tartibga soluvchi schyotlarni qo‘llash zaruriyati xo‘jalik 
mablag‘larini baholash bo‘yicha belgilangan qoidalar bilan bog‘liq.