Toshkent kimyo-texnologiya institutining “Magistratura” bo‘limi faoliyatini o‘rganish natijalari to‘g‘risida ma’lumotnoma

Toshkent kimyo-texnologiya institutining “Magistratura” bo‘limi faoliyatini o‘rganish natijalari to‘g‘risida
MA’LUMOTNOMA
2022 yil 13 may Toshkent shahri

Biz, ya’ni Toshkent kimyo-texnologiya institutining rektor maslaxatchisi O.Akromov, Jismoniy va yuridik shaxslarning murojaatlari bilan ishlash, nazorat va monitoring bo‘limi boshlig‘i U.Kadirov, O‘quv-uslubiy bo‘limi boshlig‘i v.v.b. X.Butaev, Ta’lim sifatini nazorat qilish bo‘limi boshlig‘i T.To‘raevlar institutning 2022 yil 20-aprel kunida tasdiqlangan “Toshkent kimyo-texnologiya institutida o‘quv jarayonini tashkil etish holatini kompleks o‘rganish to‘g‘risida”gi 143-sonli buyrug‘iga asosan, institutning “Magistratura” bo‘limi (bundan keyingi o‘rinlarda matnda “Bo‘lim” deb yuritiladi) faoliyatini bevosita mazkur bo‘limning boshlig‘i G‘.Hamroqulov va bo‘lim uslubchisi J.Karimov ishtirokida va bevosita ular tomonidan taqdim qilingan hujjatlarga asoslangan holda o‘rganib chiqdik.

Mazkur o‘rganish 2022 yilning 10 may kunida boshlanib, joriy yilning 12 may kunida yakunlandi.
Bo‘limning maqsadi oliy ta’lim muassasasida Kadrlar tayyorlash milliy modeli vazifalariga muvofiq mamlakatimizning ijtimoiy-iqtisodiy rivojlanish tendensiyalaridan kelib chiqqan holda tegishli mutaxassislik bo‘yicha kasbiy, pedogogik, ilmiy, huquqiy va psixologik bilimlarni chuqur o‘zlashtirgan jamiyat, davlat va oila oldida ma’suliyatini to‘la anglaydigan yuqori malakali magistrlar-mutaxassislarni tayyorlashni tashkil etishdan iborat.
Toshkent kimyo-texnologiya institutida o‘quv jarayonini tashkil etish holatini kompleks o‘rganish bo‘yicha tasdiqangan savolnomaga asosan ishchi guruhi tomonidan quyidagilar aniqlandi:
1.Ish faoliyati uchun zarur yig‘ma jildlar va ulardagi hujjatlar ro‘yxatini to‘g‘ri shakillantirilganligi.
-Magistratura bo‘limi ish faoliyati uchun zarur yig‘ma jildlar va ulardagi hujjatlar ro‘yxati Toshkent kimyo-texnologiyasi institutining 2016 yildagi tasdiqlangan hujjatlar yig‘ma jildlari ro‘yxatida keltirilgan nomenklaturaning punktlariga to‘liq mos keladi va bo‘limning ish faoliyati uchun zarur bo‘lgan 30 nomdan iborat yig‘ma jildlar va ulardagi hujjatlar mavjud.
- 2020-2021 o‘quv yilining bahorgi va 2021-2022 o‘quv yilining kuzgi semestri yakunlari hamda 2021-2022 o‘quv yilining bahorgi semestridagi holat bo‘yicha bo‘lim faoliyatiga oid ish yuritish me’yoriy hujjatlari o‘rganildi. O‘rganish yuzasidan umumiy taxliliy ma’lumotlar ushbu ma’lumotnomaga qo‘shimcha ravishda ilova qilindi.
2.Bo‘limda mavjud bo‘lishi kerak bo‘lgan stendlarni holati (O‘quv jarayoni, axloqiy-tarbiya va ma’naviy-ma’rifiy ishlar, ilmiy-tadqiqot ishlar, o‘quv-uslubiy ishlar, ma’lumotlar, xabarlar, e’lonlar) hamda institutning rasmiy saytida yoritilganligi (3 tilda).
- Magistratura bo‘limi yo‘lagidagi bo‘limdagi o‘quv jarayoni, axloqiy-tarbiyaviy, ma’naviy-ma’rifiy ishlarni, ilmiy-tadqiqot ishlarni, o‘quv-uslubiy ishlarni va e’lonlarni aks etadigan stendlar mavjud emas, ammo bo‘lim mazkur ma’lumotlarni institutning bosh binosi xovlisidagi e’lonlar va ma’lumotlar stendiga joylashtirib borgan.
- Bo‘lim to‘g‘risidagi so‘ngi ma’lumotlar institutning rasmiy saytida yoritilgan.
3.2021-2022 o‘quv yilida tahsil olayotgan talabar kontingentining ta’lim mutaxassisliklari va guruhlar kesimidagi taqsimoti to‘g‘risidagi so‘ngi to‘liq ma’lumotlarning elektron va qog‘oz shaklida mavjudligi.
2021-2022 o‘quv yilida tahsil olayotgan Magistratura bo‘limi talabarining kontingenti ta’lim mutaxassisliklari va guruhlar kesimidagi taqsimoti to‘g‘risidagi so‘ngi to‘liq ma’lumotlar elektron va qog‘oz shaklida mavjud va quyida fakultet talabalari soni to‘g‘risidagi so‘ngi to‘liq ma’lumotlar keltirildi.