Toshkent kimyo-texnologiya instituti

 
ADABIYOTLAR RO‘YXATI 
1.  Akademik  litsey  va  kasb-hunar  kollejlari  uchun  meyoriy-huquqiy  hujjatlar 
to‘plami. O‘MKHTM. Toshkent, 2005. 
2.  Olimov  Q.T.  va  boshqalar.  Ixtisoslik  fanlarini  o‘qitish  metodikasi.  – 
Toshkent: Fan, 2004. 
3.  Semushina  L.G.,  YAroshenko  N.G.  Soderdanie  i  texnologii  obucheniya  v 
srednix spetsialnix uchebnix zavedeniyax. – Moskva: Masterstvo, 2001. 
4.  Mirsaidov  K.J.  Ixtisoslik  fanlarini  o‘qitish  va  ishlab  chiqarish  ta’limi.  – 
Toshkent: SHiituvchi, 1996. 
 
12-MAVZU. BO`LAJAK KASB TA`LIMI O`QITUVCHILARNING 
PEDAGOGIK AMALIYOTI 
Reja: 
1. Pedagogik amaliyotning maqsad va vazifalari. 
2. Malakaviy pedagogik amaliyot dasturi mazmuni 
3. Malakaviy pedagogik amaliyotni tashkil etish va amalga oshirish 
4. Pedagogik amaliyot bo`yicha hujjatlarni rasmiylashtirish 
5. Pedagogik amaliyotni baholash 
Respublikamizning ijtimoiy-siyosiy hayotining barcha sohalarida, bo`lganidek, 
ta`lim tizimida ham tub o`zgarishlar kechmoqda. «Ta`lim to`g`risida»gi va «Kadrlar 
tayyorlash milliy dasturi to`g`risida»gi qonunlarda ta`lim tizimi jumladan, Oliy va 
o`rta maxsus, kasb-hunar ta`lim muassasalari oldiga yuqori malakali raqobatbardosh 
kichik  mutaxassislar  tayyorlash  vazifasi  qo`yilgan.  Kasb-hunar  ta`limi  tizimida 
malakali  mutaxassislarni  tayyorlash  ko`p  jihatdan  maxsus  fan  o`qituvchilariga 
bog`liqdir.  Malakaviy  pedagogic  amaliyot  davrida  kasbiy  ko`nikma  va  malakalar 
tizimi yaratiladi, talabalar kerakli pedagogik amaliy tajribaga, kasbiy mahoratga ega 
bo`ladilar. Shuning uchun har bir pedagog o`z sohasining ustasi, mohir tarbiyachi, 
jonkuyar va fidoiy bo`lishi darkor. U o`z ustida tinmay izlanishi, o`z ishiga ijodiy 
yondashishi, talabalarni fanga qiziqtira olishi lozim. Bunga erishish uchun esa kasb-
hunar  kollejlari  maxsus  fan  o`qituvchilari  ta`limtarbiya  jarayonini  va  o`z  mehnat 
faoliyatining  mazmunini  to`g`ri  rejalashtira  olishi,  axborot  texnologiyalari  hamda 

---

KASBIY TA’LIM METODIKASI 
 
237
 
zamonaviy  texnik  vositalardan  dars  jarayonida  samarali  foydalana  olishi  kerak 
bo`ladi. Bo`lajak umumiy  amaliyot vrachi va o`qituvchilarni tayyorlashda Oliy va 
o`rta  maxsus,  kasb-hunar  ta`lim  muassasalarida  o`tadigan  malakaviy  pedagogik 
amaliyot  muhim  bosqichlardan  biri  sanaladi.  Malakaviy  pedagogik  amaliyotni 
amalga oshirish quyidagi ikki bosqichda passiv va faol amalga oshirilishi maqsadga 
muvofiqdir. Pedagogik amaliyotni passiv bosqichida- talabalar ta`lim muassasasida 
obyekt  ya`ni  kuzatuvchi-o`rganuvchi.  Pedagogik  amaliyotni  faol  bosqichida-
bevosita  ta`lim-tarbiya  jarayonining  faol  tashkilotchisi  va  boshqaruvchi  moderator 
sifatida faoliyat yuritadilar. Malakaviy pedagogik amaliyot shartnoma asosida kasb-
hunar kollejlari hamkorligida o`tkaziladi.