KIRISH
Respublikamizda kimyo, kimyoviy texnologik jarayonlar sanoati xalq
xo’jaligining asosiy zvenolaridan biri bo’lib, muhim iqtisodiy bazasi hisoblanadi.
Respublikamiz mustaqil bo’lgandan keyin kimyo sanoatini rivojlantirishga katta
ahamiyat berildi.
Insoniyat faoliyatida moddiy noz-ne’matlar yetakchi rol o’ynar ekan, demak,
unga ehtiyoj kamaymaydi. Aksincha, ortib boradi. Sababi, shaxsiy manfaat
bo’lmasa inson hayotining dolzarbligi yo’qoladi. Ammo, shaxsiy manfaat
jamiyat manfaatlariga mos tushmog’iga erishish lozim. Bu esa, jamiyatda
yashayotgan shaxsning ma’naviyati va ma’rifatliligiga bog’liq. «Mavjud ulkan
resurslar, aql-ziyo va ishlab chiqarish potentsiali davlat mustaqilligi bilan
birgalikda respublikada iqtisodiyotni yangilash, uni ma’rifiy rivojlanish yo’liga
o’tkazishga doir tub islohotlarni amalga oshirishga haqiqiy shart-sharoit va
imkoniyat yaratadi». Ana shu xulosalardan kelib chiqqan holda O’zbekiston
hukumati, kadrlar tayyorlashga doimiy e’tiborni qaratib, ushbu sohada talaygina
vazifalarni amalga oshirib kelayotir. Iste’dodli yoshlarni chet davlatlarga yuborish,
chet el iqtisodiy nazariyalarini, texnologiyalarini o’rganish, mutaxassislarni
tajriba almashish va o’rganishga yuborish, turli amaliy tadbirlar, anjumanlar,
iqtisodiy sohalarda delegatsiyalar taklif qilinib uchrashuvlar tashkil qilish shular
jumlasidandir.
Jamiyatda yashovchi kishilar hamisha va har doim oziq-ovqat, kiyim-kechak,
ishlab chiqarish qurollari va vositalariga muhtoj. Bu muhtojlikni boshqarish,
unga adolatli yondoshish har bir rahbar va fuqaroning burchidir. Burch esa inson
ma’naviyati, ma’rifati darajasiga bog’liq. Mamlakat iqtisodiyotining
rivojlanishini kishilar ta’minlar ekan, avvalo yuksak ma’naviyat haqidagi rejalar
amalga oshirilishi, zaruriyatga aylanishi kerak. Shu iqtisodiyotni yuksak
ma’naviyatlilar hal etadilar. Iqtisodiy ma’naviyat qanchalik yuksalsa, jamiyat
ham barqaror rivojlanadi. Ma’naviy yuksak shaxslargina davlat va mamlakat
rivojiga o’z hissasini qo’shadilar. Ular mamlakat menga nima berdi? deb emas,
balki men mamlakatga nima berdim? qabilida ish tutadilar. Ma’naviyati yuksak
5
insonlar mamlakat boyliklarini asrab avaylaydilar, tejab-tergab foydalanadilar.
Xalq oldidagi mas’uliyatlarini chuqur his etadilar. Yaratuvchilik, ijodkorlik,
tashabbuskorlik ishlari bilan shug’ullanadilar. Iqtisodiyot hayotni
harakatlantiruvchi kuch ekanligini boshqalardan ko’ra ko’proq tushunadilar.
Milliy mustaqillikni mustahkamlovchi manbalarni e’zozlaydilar.
Ta’kidlash lozimki, mamlakatimiz tomonidan imzolangan Xalqaro
Konvensiyalar va shartnomalar bo’yicha o’z majburiyatlarini bajarish borasida
ham tizimli chora-tadbirlar ko’rilmoqda. Jumladan, O’zbekiston Respublikasi
Prezidentining «Kiota protokoli Musaffo rivojlanish mexanizmi doirasida
investitsiya loyihalarini amalga oshirish chora-tadbirlari to’g’risida»gi,
«O’zkimyosanoat» DAK korxonalarida «Kiota protokoli Musaffo rivojlanish
mexanizmi doirasida loyihalarni o’z vaqtida amalga oshirilishini ta’minlash chora-
tadbirlari to’g’risida»gi qarorlari hamda O’zbekiston Respublikasi Vazirlar «Kiota
protokoli Musaffo rivojlanish mexanizmi doirasida investitsiya loyihalarini
tayyorlash va amalga oshirish to’g’risidagi Nizomni tasdiqlash haqida»gi qaroriga
asosan Yaponiyaning «Mitsubishi Corporation» kompaniyasi bilan hamkorlikda
«O’zkimyosanoat» davlat aksiyadorlik kompaniyasi tarkibiga kiruvchi
«Navoiyazot», «Maksam-Chirchik», «Farg’onaazot» OAJlarida ishlab chiqarishni
modernizatsiya qilish, texnikaviy va texnologik qayta jihozlash bo’yicha
investitsiya loyihalari asosida atmosferaga birlamchi uglerod ikki oksidi (SO)
tashlamalari miqdorini kamaytirish tadbirlari amalga oshirilmoqda.
Kimyo mahsulotlarini ishlab chiqarish, korxonalarning rivojlanishi ularda
ilg’or texnologiyalarni qo’llanishi bilan bog’liq. Yuqoridagilarni hisobga olib, biz
ham malakaviy bitiruv ishimizni Navoiazot AJida mavjud texnologiyalardan
oqilona foydalanib, ekologik toza, raqobatbardosh sifatli mahsulotlar olishga
qartdik. Sirka kislota, etilen hamda atsetilendan foydalanib etilenvinilatsetat olish
maqsadida jarayonining texnologik tizimi batafsil o’rganilib, ushbu loyihalashning
ustun tomonlarini isbotlashga qaratdik.
Do'stlaringiz bilan baham: 
