Toshkent kimyo-texnologiya institiuti "tasdiqlayman"

 

31-mavzu. ILM SARI YO‘L 

 

Og‘zaki nutq: Mavzuga oid matnni o‘qib tushunish. Matnni qisqartirib so‘zlab berish. 

Ilmiy ishlarning fan va soha rivojiga qo‘shadigan hissasi haqida gapirib berish. 

Yozma nutq: “Soha rivojida fanning o‘rni” mavzusida matn tuzish. Ilmiy ishlarning 

turlari haqida qisqacha tavsiflar yozish. 

Grammatika:  Taqriz matni. Ularning tuzilishi va ifoda materialining xususiyatlari. 

Uyushiq bo‘laklar. 

Tayanch so‘z va iboralar:  ilm, taqriz matni, annotatsiya matni.  

Eng buyuk sharaf 

O‘qish  va  o‘rganishdek  sharafli  narsa  yo‘q.  Qur'onning  ilk  amri  «O‘qi»  so‘zi  bilan 

boshlangan.  Inson bilimi bilan qadrlanadi.   

  Ilm qorong‘uliklarni yorituvchi mash'aladir.  Yuksak pog‘onalarga ilm narvoni bilan chiqiladi. 

Taraqqiy etishni va kamolot topishni istasangiz ilmning etagini mahkam ushlang. 

Hazrati  Ali  ilm  xususida:  «Ilm  pastda  turganlarni  yuqori  darajaga  ko‘taradi.  Bilimsizlik  esa 

tepada  turganlarni  pastga  tushiradi.  Ilm  mol-davlatdan  ustundir,  chunki  boylikni  sen  asraysan. 

Ilm esa seni asraydi», deganlar. 

Foydali ilm o‘rgangan kishini o‘limidan keyin ham insonlar hurmat bilan eslashadi. Ilm 

abadiy  tiriklikdir.  Johil  kishi  tirikligidayoq  o‘lik  hisoblanadi.  Bilimli  inson  Hayotdan  ko‘z 

yumganidan keyin ham tirikdir! 

 

Savol so‘rash 

Savol  ilmning  kalitidir.  Aytadilarki,  savol  so‘rash  ilmi  hayotimizda  uchraydigan  bir 

yo‘ldir. Savol kitobni, mavzuni yoki darsni yaxshi anglab yetishni ta’minlaydi. Savol ilmimizni 

oshiradi.  Chunki,  so‘rab  javobini  izlaymiz.  Savol  so‘rash  o‘zimiz  sezmagan  holda  bizni  bilim 

egasiga aylantiradi. 

 

Savol  beraman,  deb  aqlga  kelgan  bo‘lar-bo‘lmas  narsalar  so‘ralmasligini  unutmaslik 

lozim. Savol insonning saviyasini ham ko‘rsatadi. Mantiqli va qiziqarli savollar berish kerak.