Toshkent kimyo- texnologiya instituti

Barabanli, tunelli, sochib beradigan, quritkichlarni ishlash prinsipi. Quritgichlarni xisoblash tartiblari


Tunelli quritgichlar. Bunday tipdagi quritgichlar to’g’ri to’rtburchak kesimiga ega bo’lgan uzun kameradan (koridordan) iborat bo’ladi (4.23-rasm). Kamera ichida vagonetkalarning sekin harakatlanishi uchun temir yo’l izlari o’rnatilgan. Koridorga kiruvchi va undan chiqadigan eshiklar zich yopiladi.

Tunelli quritgich:

1-kamera; 2- vagonetkalar; 3-ventilyator; 4-kalorifer.

Vagonetkalarga nam meterial joylashtiriladi. Qurituvchi agent (havo) kaloriferlarda isitilib beriladi. Havo oqimi ventilyatorlar yordamida nam materialga nisbatan to’g’ri yoki qarama – qarshi yo’nalishda harakatga keltiriladi. Vagonetkalar esa mexanik chig’irlar yordamida harakatlanadi. Tunelning balandligi 2,0 - 2,5 m bo’lib, uzunligi 25 - 60 m gacha etadi.

Tunelli quritgichlarda qurituvchi agent qisman retsirkullyatsiya qilinadi. Bunday qurilmalar katta o’lchamli donasimon materiallarni quritish uchun ishlatiladi.