Тошкент кимё-технология институти ҳузуридаги илмий даражалар берувчи dsc 27

Тадқиқот натижаларининг ишончлилиги таҳлилда замонавий физик-
кимѐвий тадқиқот услублари қўлланилганлиги, регрессион тенгламаларнинг 
аниқлиги ва уларни ҳақиқий жараѐнни адекват тарзда ифодалаганлиги, соус-паста 
яримфабрикатлари рецептураси ва тайѐрлаш технологияларини саноатга жорий 
қилиниши билан асосланган.
Тадқиқот натижаларининг илмий ва амалий аҳамияти мева-резаворли 
хом ашѐ компонентларининг соус-паста яримфабрикатлар системаларининг 
реологик хоссаларига таъсири, хомашѐларнинг рационал миқдори, аҳоли 
истеъмоли ва умумий овқатланиш тармоғи учун янгиланган яримфабрикатлар 
мажмуасини тайѐрлаш илмий асосининг яратилганлиги билан изоҳланади.
Тадқиқот натижаларининг амалий аҳамияти яримфабрикатларнинг 
органолептик ва физик-кимѐвий хоссалари, микробиологик ҳолати ва озиқавий 
қиммати яхшиланган, истеъмолга тайѐр соуслардан консерва саноати ҳамда 
умумий овқатланиш тармоғида фойдаланишни тавсия этишдан иборат. 
Тадқиқот натижаларининг жорий қилиниши. Мева соус-паста 
яримфабрикатлари тайѐрлаш технологиясини такомиллаштириш бўйича 
олинган натижалар асосида: 
«Мева соус-паста яримфабрикатлари» ишлаб чиқаришга техник шарт (Тs 
16165217-02:2019) ва технологик йўриқнома (ТЙ 16165217-02:2019) 
«Ўзстандарт» агентлиги томонидан тасдиқланган. Натижада мева соус-паста 
яримфабрикатларини ишлаб чиқариш имконини берган; 
мева соус-паста яримфабрикатлари рецептураси ва ишлаб чиқариш техно-
логияси «Наманган шарбати» АЖда ишлаб чиқаришга жорий этилган 
(«Ўзбекозиқовқатхолдинг» ХК 2020 йилнинг 18 мартидаги АА/05-2-443-сонли 
маълумотномаси). Натижада озиқавий қиммати юқори бўлган мева соус-паста 
яримфабрикатлари ишлаб чиқариш ва ассортиментни кенгайтириш имконини 
берган;
мева соус-паста яримфабрикатлари тайѐрлаш технологияси Учқўрғон 
туманидаги «Muhammadali Hamkor Biznes» ОАЖ ва Наманган шаҳридаги 
«Туркистон» МЧЖда ишлаб чиқаришга жорий этилган («Ўзбекозиқовқат-
холдинг» ХК 2020 йилнинг 18 мартидаги АА/05-2-443-сонли маълумотномаси). 
Натижада анъанавий технологияга нисбатан ишлаб чиқариш самарадорлигини 
14 %, турдош ташкилотлар ва истеъмол бозорига етказиб беришни 22 %га 
ошириш имконини берган.