Тошкент ирригация ва қишлоқ хўжалигини механизациялаш мухандислари интститути

Ишнинг мақсади
Мавзу бўйича аввало, амалиётда асосий роль ўйнайдиган гиперболик типдаги хусусий ҳосилали дифференциал тенгламалар системалаштирилади, ва уларнинг энг қулай умумлашган ечимининг аниқ кўринишини олиш ва шунга асосланган ҳолда, барча ирригация иншоотлари тузилишининг янги формаларини яратиш бўйича тавсиялар бериш, шунингдек, гидромелиорацион жараёнларнинг математик моделини яратишнинг асосини ташкил этувчи аралаш типдаги локал ва нолокал масалалар ўрганилади.
Юқоридагиларга асосланган ҳолда, илмий-тадқиқот натижаси сифатида дифференциал тенгламаларни ечиш усуллари ўрганилиб, уларнинг ечимлари-амалий масалаларга тадбиқ этилади ва суғориш иншоотларини ишлаб чиқарувчи мутахассислар билан маслаҳатлашиб, уларга амалий тавсиялар берилади. Олинган натижалар асосида нуфузли журналларда илмий мақолалар чоп этилади.
Мавзунинг специфик вазифалари

1. 
   Сув хўжалиги ва суғориш жараёнларини ифодаловчи математик моделларни аналитик ечимнинг энг қулай кўринишидан фойдаланган ҳолда, уларнинг геометрик шакли ва ернинг гидромелиоратив ҳолатлари орасидаги боғланишни математик моделларда аниқ ифодалаш ва мутахассисларга зарурий тавсиялар бериш.
   
2. 
   Илмий тадқиқот жараёнида ҳосил бўладиган Вольтерра ва Фредгольмнинг биринчи ва иккинчи тур интеграл тенгламаларини резольвенталар ёрдамида ечиш, интеграл ядролари ва тенгламанинг ўнг томондаги функцияларнинг махсуслик даражаларини аниқлаш.
   
3. 
   Тадқиқот объектини тўлиқ акс эттирадиган интеграл тенгламалар ечимини сонли ҳисоблашлар учун қулай кўринишини аниқлаш.
   
4. 
   Танланган интеграл тенглама ечими асосида тадқиқот объектининг математик моделини такомиллаштириш.
   

5. 
   Қаралаётган масалалар аналитик ечимининг қулай кўринишига асосланган сонли ҳисоблаш алгоритмларини яратиш.
   
6. 
   Коррект қўйилган масалалар ечимларининг мавжудлик ва ягоналигини ифодаловчи математик моделнинг ҳисоблаш алгоритмини бажарувчи компьютер дастурларини яратиш.