Toshkent farmatsevtika instituti

Keng ko‘lamli agglyutinatsiya reaksiyasi. Agglyutinatsiya qiluvchi zardobni fiziologik eritma bilan odatda ikki marta suyultiriladi. Agglyu- tinatsiya reaksiyasiga kasal odam organizmidan olingan zardobni odatda 1:50 dan 1: 1600 martagacha, immun diagnostik zardobni esa titrdan yarim titrgacha ( zardob titri etiketkada ko‘rsatilgan ) suyultiriladi. Ana shu zardoblardan har bir probirkaga 1 ml dan solinadi. Zardobning eng maksimal konsentratsiyasi kontrol zardob sifatida ishlatiladi. Kontrol zardob solingan probirkaga antigen kiritilmaydi. Natriy xloridning izotonik eritmasi ( 1 ml ) bilan antigen solingan probirkaga esa antigen kontroli vazifasini bajaradi. Kontrol zardob solingan probirkadan boshqa probirkalarga ( diagnostikum yoki mikroorganizmlarning yangi tayyorlangan tortmasi ) dan 0,1 ml yoki 2 tomchi qo‘shiladi. Bunda probirkalarning ichidagi aralashma bir xil darajada xiralashishi kerak.Probirkalarni yaxshilab chayqatib, 37⁰ S haroratli termostatga joylashtiriladi. Oradan 18 – 20 soat o‘tgach, reaksiya natijasi qayd etiladi.Agglyutinatsiya reaksiyasining natijasi kontrol probirkalarning holatiga ko‘ra: antigen kontrolining bir tekis xiralashishi va zardob kontrolining shaffof holatda qolishiga ko‘ra qayd qilinadi.