Toshkent farmatsevtika instituti

Quyuq ozuqa muxitida o‘stirilgan kul’turadan surtma preparat tayyorlash

Yog‘sizlantirilgan predmet oynasi gaz gorelkasining alangasi ustida qizdiriladi. Buyum oynasi sovugach, unga ilmoq bilan bir tomchi izotonik eritma tomiziladi. O‘rganilayotgan kultura solingan probirka chap qo‘lning ko‘rsatkich va bosh barmog‘i o‘rtasida ushlanadi. Bakteriologik ilmoq o‘ng qo‘l bilan ushlanib, gaz alangasida qizdiriladi. Ilmoqni qo‘lda ushlab turgan holatda o‘ng qo‘l bilan probirkaning og‘zi ochiladi. Ilmoq bilan ishlaganda harakatlar keskin bo‘lmasligi lozim. Bu protsess davomida probka barmoq orasida saqlanadi. Ilmoq probirka ichiga solinadi va probirka devorlari orasida sovutiladi, chunki issiq ilmoq unib chiqqan kulturani halok qilishi mumkin.Ilmoq yordamida bir oz kulturadan olinib, probirka devoriga tekkizmay olib chiqiladi.Probirkaning og‘zi ( probkasi ) alanga ustida ushlangan holda berkitiladi va shtativga qo‘yiladi. Kulturali ilmoq oyna ustiga, izotonik eritmaningyoyiga surtiladi, va sekin shu eritma bilan aralashtiriladi ( emulgatsiya qilinadi ). Ilmoq alanga ustida qizdiriladi.Diqqat. Surtma preparat yupqa, tekis surtilgan bo‘lishi kerak.