Toshkent farmatsevtika instituti

Birinchi kesishuv NAD∙H₂ dan KoQ gacha bo`lgan qismda kuzatiladi. Membrananing ichki yuzasida NAD∙H<sub>2</sub> ni flavinga bog`liq degidrogenazalar (FP₁) ishtirokida oksidlanishi FMN∙H₂ ning hosil bo`lishi va vodorodning membranani tashqi tomoniga o`tkazilishiga olib keladi. Bu yerda birinchi juft protonlar ajralib chiqadi, FMN∙H₂ dagi ikkita elektron esa membranani teskari yo`nalishda (ichki tomonga qarab) kesib o`tadi. Bu ikkita elektron FeS li oqsil-1 (FeS-PR₁) va sitoxromlar orqali KoQ ga tashiladi. KoQ ning qaytarilishi matriksdan 2 ta protonni bog`lab KoQ∙H₂ hosil qilishi bilan boradi.