Toshkent farmatsevtika instituti dori turlari texnologiyasi kafedrasi biofarmatsiya

SHamchalar bu – uy haroratida qattiq, tana haroratida eriydigan, dozalargan 
bo‗lingan, tanadagi har-xil tabiiy yoki biror kasallik natijasida sodir bo‗lgan bo‗shliqlarga 
qo‗yiladigan dori shaklidir. 
Ishlatilishi va tayyorlanishiga ko‗ra shamchalar quyidagilarga bo‗linadi: 
1. Rektal– suppositoria rectalia (to‗g‗ri ichakka mo‗ljalangan)
2.Vaginal – suppositoria vaginalia (ayollarning tanosil a‘zolariga qo‗yishga mo‗ljallangan) 
3.Tayoqchalar - suppositoria bacilli (siydik yo‗llariga, eshitish yo‗llari naylariga, bachadon 
kanaliga qo‗yish uchun mo‗ljallangan) 
Rektal shamchala
r - konussimon, uchi uchli silindrsimon yoki torpedasimon ko‗rinishda 
bo‗lib, ularning uzunligi - 2,5 dan 4 sm gacha, diametri 1,5 sm, massasi -1,0 dan 4,0 g gacha, 
bolalar uchun esa - 0,5 dan 1,5 g gacha bo‗lish ruxsat etilgan. 
Agarda retseptda rektal shamchaning og‗irligi ko‗rsatilmagan bo‗lsa, unda 3,0 g dan 
tayyorlanadi. Bolalarga mo‗ljallangan shamchalarning og‗irligi retseptda ko‗rsatilishi shart. 
Vaginal shamchalar 
- sharsimon (globuli), tuxumsimon (ovula) va uchi yumaloqlangan 
yassi (pessaria) ko‗rinishda bo‗lib, massasi – 1,5 dan 6,0 g gacha bo‗ladi. 
Agar retseptda ularning og‗irligi ko‗rsatilmagan bo‗lsa 4,0 g dan tayyorlanadi. 
Tayoqchalar
– odatda uchli silindr shaklida bo‗lib, yo‗g‗onligi va uzunligi retseptda 
ko‗rsatilishi shart. 11 DF bo‗yicha ularning diametri - 1 sm dan oshmasligi, uzunligi - 10 sm dan 
oshmasligi kerak, massasi esa – 0,5 dan 1,0 g gacha bo‗ladi. 
SHamchalarning turlari va yuborish yo‗llari turli xil bo‗lishiga qaramay, ular bitta umumiy 
xarakterga ega: xona haroratida qattiq, tana bo‗shliqlariga yuborilganda esa suyuqlikka aylanadi. 
SHamchalarga qo‗yiladigan talablar
1. SHamchalarning tashqi ko‗rinishi va massasidan qat‘iy nazar, ularning og‗irlikdan chetlanishi 
±5 dan oshmasligi kerak;
2. Tarkibidagi dori moddalarining miqdori aniq dozalarga bo‗lishi kerak; 
3. Retseptda ko‗rsatilgan asosning miqdori va og‗irligi, vrachning ruxsatisiz kamaytirilishi kerak 
emas; 
4. Tayyor shamcha to‗g‗ri va bir xil shaklga ega bo‗lgan, ta‘sir etuvchi moddasi bir xilda 
tarqalgan, ma‘lum qattiqlikka ega va tana haroratida erishi, g‗ovaklarsiz va yaltirrab turishi 
kerak;