Toshkent farmatsevtika instituti biotexnologiya kafedrasi

14 мавзу Atirgul bargidagi gibberellinlar miqdorini aniqlash. Gibberelinlar – o‘simliklarni rivojlanishini va tez o‘stirish xususiyatiga ega modda bo‘lib, qishloq xo‘jaligida keng qo‘llanilib kelinadi. Gibberelinlarni qo‘llanilishi uzum, pomidor, sitrus va boshqa ko‘p navlarni xosildorligini oshirib beradi. Gibberelinlarni aniqlashni biologik, xromatografik va fluorimetrik usullari mavjud. Gibberelinlarni miqdorini aniqlashni yangi usuli quyidagicha, taxlilini aniqligini oshirish uchun kolorimetrik usulda belgilanadigan fosfor – volframli molibden kompleksi bilan bo‘yalish intensivligi aniqlanadi.

15 мавзу Transgen hayvonlar. Transgen hayvonlar yaratish tehnologiyasi. 1970 yillarda gen muhandisligini rivojlanib borishi oqibatida preparatlarni mikrobiologik sintez orqali ishlab chiqarish imkoniyati tug‘ildi. Mikrobiologik sintez orqali olingan o'sish gormoni, xuddi gipofizdan olinganga o‘xshab, laktatsiyani hamda hayvonlarni o‘sishini kuchaytirishi tasdiqlandi. Hayvonlarni o‘sishi murakkab jarayon bo‘lib, genlarni ta’siriga, oziqlanish sharoitlariga va atrof-muhit ta’siriga bog‘liq. Genetik nuqtai nazardan ayniqsa, oqsillarni kodlovchi, o‘stirish gormonlari to‘plami, jumladan o‘stirish gormoni (UG), o‘stirish gormonining rilizing omili (UG- RF) va insulinga o‘xshash omil (UG-IF) katta qiziqish uyg‘otadi.

16 мавзу Irsiy kasalliklar va ularni davolash. ex vivo va in vivo gen terapiyasi.
Uzoq vaqtdan buyon tibbiy genetika inson irsiy kasalliklarining genetik asoslarini o‘rganib kelmoqda. Ana shunday kasalliklarni aniqlash maqsadida tug‘ilgan chaqaloqlar va homila uchun diagnostik testlar ishlab chiqildi. Test natijalariga asoslangan xolda genetik konsultatsiyalar berila boshlandi. Ba’zi xollarda genetik defektlarni medikamentoz terapiya, qon quyish va parhez yordamida ham davolash imkoni tug‘ildi.
17 мавзу Biotehnologiyada fermentlarni qo'llanilishi. Fermentlar-tirik hujayralar tomonidan sintez bo‘ladigan oqsil tabiatli molekulalar bo‘lib, ular har bir hujayrada bir necha yuzlab uchraydi va har xil vazifalarni bajaradilar. Ular o‘ziga xos bo‘lgan biologik katalizatorlardir. Ular organizm uchun juda zarur moddalar hisoblanadilar, agar fermentlar bo‘lmaganlarida hujayradagi reaksiyalar juda ham sekinlik bilan o‘tib, hayotni ushlab turish imkoniyati bo‘lmas edi.