Тошкент фармацевтика институти

Вақтинчалик бошқа ишга ўтказиш 
қуйидаги ҳолатларда амалга 
оширилади:
 
Ходим ташаббуси билан – агар узрли сабаблар бўлса (соғлиғи туфайли, 
хомиладор ва 2 ѐшгача фарзандлари бор аѐлларга) ва корхонада мувофиқ 
иш жойлари бўлса; 
Иш берувчи ташаббуси билан – ишлаб чиқариш зарурати ѐки иш тўхтаб 
қолган ҳолларда. 
Вақтинчалик бошқа ишга ўтказиш муддати кўрсатилган ҳолда 
расмийлаштириладиган буйруқ асосида амалга оширилади. 
9
Д.Т.Саипова. «Фармацевтик менежмент» фанидан ўқув-услубий кўрсатмалар тўплами. – 
Тошкент-2011. – 187 бет. 

---

74 
Меҳнат шартномасини бекор қилиш 
Меҳнат қонунчилигига асосан ходимлар истаган пайтларида, муддатли 
ѐки муддатсизлигидан қатъий назар ҳар қандай меҳнат шартномасини бекор 
қилиш имкониятига эгадирлар. Шу билан бирга иш берувчилар томонидан 
қонунда махсус назарда тутилган асослар мавжуд бўлганида ва белгилаб 
қўйилган тартибларга қатъий риоя этилган холдагина меҳнат шартномаси 
бекор қилиниши мумкин. 
ЎзР Меҳнат кодексининг 37-моддасида меҳнат шартномасини бекор 
қилишнинг қуйидаги асослари келтирилган: 
1.
томонларнинг келишувига кўра; 
2.
бир томоннинг ташаббуси билан 
3.
меҳнат шартномаси муддатининг тугаши; 
4.
меҳнат шартномасида назарда тутилган асосларга кўра; 
5.
томонларнинг ихтиѐрига боғлиқ бўлмаган ҳолатларга кўра; 
6.
сайлов (танлов)дан ўтмаганлиги ѐки сайлов (танлов)да иштирок этишни 
истамаганлиги туфайли. 
Корхона мулкдорининг алмашинуви (корхона давлат тасарруфидан 
чиқарилиши, сотиб юборилиши), қайта ташкил этилиши, қўшиб 
юборилиши, ажралиб чиқиши каби ҳолатларда ходимлар билан тузилган 
шартномалар ўз кучида қолади. 
Мулкдорнинг алмашиши белгиланган тартибда корхона раҳбарининг, 
унинг ўринбосарининг ва бош бухгалтернинг ишдан бушатишга олиб 
келиши мумкин.