Тошкент фармацевтика институти Дори турлари технологияси кафедраси Маъруза №22

Тошкент фармацевтика институти Дори турлари технологияси кафедраси Маъруза №22 Гетероген суртмалар. Суспензион суртмалар тушунчаси. Технологик босқичларнинг дори модда миқдорига боғлиқлиги. Пасталар тарифи, таснифи, технологияси. Муаллифлик таркиблар. Тошкент-2019

РЕЖА:

• Суспензион суртмалар таърифи
• Суспензион суртмалар хосил бўлиш шароитлари.
• Суспензион суртмаларни доривор модда суртма таркибида 5% гача бўлганда тайёрлаш
• Суспензион суртмаларни доривор модда суртма таркибида 25% гача бўлганда тайёрлаш
• Пасталар таърифи, таснифи
• Пасталарнинг хусусий технологиялари
• Суспензион суртмалар ва пасталарни сифатини бахолаш

Суртмаларда кенг қўлланиладиган доривор моддалар (1)

• Асосда эрийдиганлар : анестезин (2% гача бўлган миқдорда), камфора, ментол, тимол, фенилсалицилат, кристаллик фенол, хлоралгидрат ва б.
• Уларни асосда эритиб, эритма-суртмалар тайёрланади
• Сувда эрийдиганлар: сульфацил-натрий, дикаин, димедрол, калия йодид, натрия тиосульфат, новокаин, алкалоид тузлари, танин, кумуш нитрат ва б.
• Сувнинг минимал ҳажмида эритиб, эмульсион турдаги суртма хосил қилинади

Суртмаларда кенг қўлланиладиган доривор моддалар (2)

• Сувда ва асосда эримайдиганлар: висмут нитрат асосли, дерматол, салицил кислота, крахмал, ксероформ, тозаланган олтингугурт, сульфаниламид препаратлари (стрептоцид, норсульфазол ва б.), тальк, рух оксид.
• Уларни максимал даражада диспергирлаб, суспензион суртмалар тайёрланади.
• Бундан ташқари асосда ёки сувда эрийдиган моддалар кўп миқдорда берилган бўлса, уларни ҳам суспензия ҳолида киритиш лозим

Доривор моддаларни суртмаларга киритишнинг алоҳида холлари

Доривор моддалар	Асосга киритиш усули	Изоҳ
Протаргол, колларгол, танин	Берилган миқдоридан қатъий назар фақат сувда эритиб, киритилади	Суспензия ҳолида киритилганда терапевтик таъсирини намоён этмайди
Қуруқ ва қуюқ экстрактлар	Берилган миқдоридан қатъий назар тенг миқдордаги спирт-глицерин-сув (1:3:6) аралашмасида эритилади	Суспензия ҳолида киритилганда терапевтик таъсирини анмоён этмайди
Рух оксиди, резорцин, симоб дихлориди	Дерматологик суртмаларга суспензия ҳолида, кўз суртмаларига – эмульсия ҳолида киритилади	Эритма ҳолида тез сўрилади ва токсик таъсир кўрсатади (тери некрозигача олиб келиши мумкин)
Пенициллин тузлари	Суспензия ҳолида киритилади	Сувли эритмаларда тез ўз фаоллигини йўқотади

• Суспензион (тритурацион) суртмалар – бу асосда ва сувда эримайдиган, суспензия холида тарқалган, иложи борича майдаланган қаттиқ дори моддаларини сақловчи суртмалардир.
• Тритурацион суртмаларни асосий вакиллари - рухли, ксероформли, стрептоцидли, висмутли, дерматолли ва б.